ស្ត្រីភាគច្រើនមិនបានដឹងអំពីកត្តាទាំងឡាយណាដែលនាំអោយប៉ះពាល់ដល់ ចំណង់ផ្លូវភេទ និងរបៀបព្យាបាលដែលអាចធ្វើទៅបានទេ? មនុស្សស្រីច្រើនតែមានការខ្មាសអៀននៅពេលប្រាប់រឿងនេះដល់គ្រូពេទ្យ ។ ខ្លះទៀតប្រាប់ថា ពួកគេស្ត្រេសខ្លាំងពេក ឬបាក់ទឹកចិត្ត និងប្រើថ្នាំប្រឆាំងនឹងការបាក់ទឹកចិត្ត។ ជាអកុសល្យ ការប្រើថ្នាំភាគច្រើនពិតជាធ្វើអោយការបាត់បង់ចំណង់ផ្លូវភេទមែន និងកាន់តែធ្ងន់ទៀតផង។ ស្ត្រីតែងយល់ថា ស្ត្រេសមិនត្រឹមតែជាបញ្ហាដ៏ធំទេ តែបើមានការបាក់ទឹកចិត្តមួយទៀត វាពិតជាធ្វើអោយប៉ះពាល់ដល់ចំណង់ផ្លូវភេទកាន់តែខ្លាំងជាមិនខាន។ តើពួកគេគួរតែស្វែងយល់អំពីដំណោះស្រាយអ្វីខ្លះទៅ?
ដេក
ចំណង់ផ្លូវភេទគ្រាន់តែជាផ្នែកមួយដែលត្រូវបានប៉ះពាល់ ដោយសារតែការដេកមិនបានគ្រប់គ្រាន់ប៉ុណ្ណោះ។ បើការដេកបានមិនបានគ្រប់គ្រាន់ ថាមពលនឹងថយចុះ ហើយក៏មិនអាចប្រើតាមការចង់បានដែរ។ ការសិក្សាបន្ថែមពីលំហាត់ប្រាណយូហ្គា ឬក្បាច់តៃជិ មិនត្រឹមតែមិនធ្វើអោយងាយកាយនឿយហត់ តែបែរជាជួយអោយអារម្មណ៍ល្អទៅវិញ។
បំបាត់ស្ត្រេស
បើសិនជាស្ត្រេសគឺជាដើមហេតុដ៏សំខាន់នៃការបាត់បង់ ក្តីស្រឡាញ់ ចូរប្រើវិធីសាស្ត្រផ្សេងដើម្បីដោះស្រាយវាចេញទៅ។ ការម៉ាស្សា, ហាត់ប្រាណ និងសម្រាកគ្រប់គ្រាន់គឺជាវិធីសាស្ត្រដ៏អស្ចារ្យក្នុងការបំបាត់ភាព ស្ត្រេស។ វីតាមីន Bកំផ្លេចក៏ជួយទ្រងទ្រងក្រពេញលើតម្រងនោម (ក្រពេញស្ត្រេស) ដូចយិនសិនដែរ។ ការញ៉ាំអាហារផ្តល់នូវសុខភាព, បន្ថយអាហារមានជាតិស្ករ នឹងជួយថែរក្សារាងកាយអោយមានតុល្យភាពបាន។ បើសិនជាការបាក់ទឹកចិត្តជាបញ្ហានោះ អ្នកគួរតែពិភាក្សារឿងនេះជាមួយគ្រូពេទ្យដើម្បីព្យាបាល។
ការព្យាបាលដោយអ័រម៉ូន
ការអស់កម្លាំងច្រើនតែជាបញ្ហាធំនាំអោយខ្សោយផ្លូវភេទ។ បើសិនជាអ្នកយល់ថា គ្មានកម្លាំងកំហែងក្នុងខ្លួន មានន័យថាថាមពលដែលត្រូវប្រើប្រាស់ត្រូវបានកាត់បន្ថយហើយ។ ស្ថិតក្នុងកម្រិតនៃគីមីជីវសាស្ត្រមួយ ការអស់កម្លាំង និងស្ត្រេសជម្រុញអោយអ័រម៉ូនដូចជា DHEA និង តេស្តូស្តេរ៉ូនថយចុះ។ ទោះបីជាអ័រម៉ូនទាំងនេះជារបស់បុរសក៏ដោយ ក៏វាត្រូវបានគេរកឃើញ និងត្រូវការប្រើលើមនុស្សស្រីដែរ។ ការថយចុះរបស់អ័រម៉ូនតេស្តូស្តេរ៉ូន និង DHEA ព្យាបាលដោយអាចជំនួសមកវិញ ហើយក៏ជួយអោយចំណង់ផ្លូវភេទកើនឡើងដែរ។
DHEA អាចប្រើដោយការលេប និងទិញបានដោយមិនបាច់មានវេជ្ជបញ្ជាទេ។ ចំណែកឯអ័រម៉ូនតេស្តូស្តេរ៉ូនវិញទាល់តែមានវេជ្ជបញ្ជា ហើយភាគច្រើនវាគឺជាថ្នាំលាប។ អ័រម៉ូនទាំងពីរនេះប្រហែលជាមានតិចតែចំពោះស្ត្រីមុនរាំងរដូវទេ។ អ្នកអាចពិនិត្យចំនួនរបស់វាតាមរយៈការធ្វើតេស្តឈាម, ទឹកនោម ឬទឹកមាត់។ ភាគច្រើនការព្យាបាលដោយប្រើ DHEA និងអ័រម៉ូនផ្សេងៗទៀតក៏អាចពង្រឹងដល់ការដេក និងអារម្មណ៍ល្អដែរ ដូច្នេះវាពិតជាបង្កើនចំណង់ផ្លូវភេទបាន៕