១) មិននិយាយរិះគន់ ឬ និយាយដើមស្រ្តីដូចគ្នានៅពីក្រោយខ្នង តែចូលចិត្តលើកឡើងពីក្តីស្រមៃ គម្រោង និង មហិច្ឆតារបស់ខ្លួននៅពេលអនាគត។
២) គ្មានការសង្ស័យលើខ្លួនឯង ដោយដឹងពីអ្វីសឺកខ្លួនកំពុងធ្វើ និង អ្វីដែលខ្លួនត្រូវធ្វើនៅពេលខាងមុខជាមួយនឹងការសម្រេចចិត្តមួយដោយគ្មានការស្ទាក់ស្ទើរ។
៣) មិនចូលចិត្តបង្ហាញខ្លួនត្រឹមតែអ្នកអនុវត្ត តែបញ្ចេញសមត្ថភាពឡើងជាអ្នកផ្តូចផ្តើមអនុវត្តសកម្មភាពផ្សេងៗផង អនុវត្តផង និង ជ្រើសរើសអ្វីមួយដែលខ្លួនចង់ធ្វើតាមអ្វីដែលខ្លួនពេញចិត្តដោយមិនត្រូវការបង្ខិតបង្ខំពីអ្នកណាម្នាក់នោះឡើយ។
៤) មិនផ្ញើវាសនាដល់អ្នកដទៃ តែចូលចិត្តមើលថែខ្លួនឯងឲ្យបានល្អបំផុតជាងអ្នកណាៗទាំងអស់។ នារីដែលមានទំនុកចិត្តខ្ពស់ឲ្យតម្លៃលើសុខភាព របៀបរស់នៅ និង គ្រប់គ្រងជីវិតរបស់ខ្លួននៅក្នុងបរិបទមួយដ៏ត្រឹមត្រូវប្រកបដោយអារម្មណ៍ស្រស់ថ្លា។
៥) នារីដែលមានទំនុកចិត្តខ្ពស់មិនដែលស្តាប់អ្នកណាម្នាក់ជាមួយជំនឿដែលគ្មានហេតុផលនោះឡើយ។ ហេតុដូច្នេះ មុននឹងជឿអ្នកណាម្នាក់ ខ្លួនត្រូវការភស្តុតាង និង ការថ្លឹងថ្លែងដ៏ត្រឹមត្រូវមុននឹងយល់ស្របជាក្រោយ។
៦) នារីដែលមានទំនុកចិត្តខ្ពស់ មិនចូលចិត្តធ្វើអ្វីមួយដើម្បីផ្គាប់ចិត្តអ្នកណាម្នាក់ ឬ អនុញ្ញាតឲ្យអ្នកណាម្នាក់មកគ្រប់គ្រងខ្លួននោះទេ។ នារីប្រភេទនេះ ចូលចិត្តធ្វើអ្វីៗដោយមិនក្រោមអំណាចរបស់អ្នកដទៃ និង មានសេរីភាពជានិច្ច។
៧) ការបារម្ភទៅលើរឿងរ៉ាវឥតប្រយោជន៍ គឺជាលក្ខណៈពិសេសមួយទៀតរបស់នារីប្រភេទនេះដែលមិនចូលចិត្តយកមកដាក់ក្នុងខ្លួន។ នារីដែលមានទំនុកចិត្តយល់ថា ការបារម្ភមិនមែនជាដំណោះស្រាយនោះឡើយ តែវាជាបំណុលមួយដែលជំពាក់មិនចេះចប់មិនចេះហើយ។
៨) នារីដែលមានទំនុកចិត្ត គ្មានឡើយការសោកស្ដាយចំពោះរឿងរ៉ាវអតីតកាលរបស់ខ្លួន តែបានយកបទពិសោធន៍ទាំងនោះមកធ្វើជាមេរៀនជីវិតរបស់ខ្លួនវិញ។
៩) នារីដែលមានទំនុកចិត្តមិនរត់គេចចេញពីបញ្ហានោះឡើយ ទោះបីជាបញ្ហាទាំងនោះលំបាក ឬស្រួលក្តី។ នារីប្រភេទនេះ នឹងស្វាគមន៍ ហើយចាត់ទុកថា វាជាគន្លឹះនាំទៅរកភាពជោគជ័យ និង ភាពរឹងមាំ។
១០) ក្រៅពីនេះ នារីដែលមានទំនុកចិត្តខ្ពស់ក៏បានអះអាងសម្រាប់ខ្លួនឯងផងដែរថា ការបរាជ័យមិនមែនជាឧបសគ្គរបស់ខ្លួននោះឡើយ។ បើខ្លួនយល់ថា បរាជ័យថ្ងៃនេះ ខ្លួននឹងខិតខំប្រឹងប្រែងឡើងវិញសាជាថ្មីសម្រាប់ថ្ងៃស្អែករហូតដល់ទទួលបានជោគជ័យ។
១១) នារីដែលមានទំនុកចិត្តខ្ពស់មិនចូលចិត្តនោះឡើយក្នុងការចាត់ទុកមនុស្សដែលមានទស្សនៈ ឬ គំនិតផ្ទុយគ្នាមកធ្វើជាសត្រូវរបស់ខ្លួន។ មិត្តភាពជារឿងសំខាន់ណាស់ សម្រាប់នារីប្រភេទនេះ។
១២) នារីដែលមានទំនុកចិត្តខ្ពស់ មិនមែនធ្វើអ្វីមួយដើម្បីទាក់ទាញប្រជាប្រិយភាព និង យកមុខមាត់លើអ្នកផ្សេងទៀតនោះទេ។ ទង្វើរបស់នារីប្រភេទនេះ គឺដើម្បីបង្ហាញពីសមត្ថភាពដែលនារីអាចធ្វើបានតែប៉ុណ្ណោះ។
១៣) លក្ខណៈពិសេសបន្តទៀតរបស់នារីដែលមានទំនុកចិត្តនោះគឺថា មិនលួងលោមឲ្យអ្នកណាម្នាក់មកគាំទ្រខ្លួននោះឡើយ។ អ្វីៗគឺខ្លួនចង់កសាងដោយខ្លួនឯង និង ឲ្យតម្លៃសមត្ថភាពជាជាងបរិមាណ៕