១.សម្រាប់ទូរសព្ទប្រើប្រព័ន្ធប្រតិបត្តិការ iOS
-ជាដំបូង ចូលទៅកាន់ Safari ដែលមានស្រាប់ក្នុងទូរសព្ទរបស់អ្នក
-រួចចូលទៅកាន់គេហទំព័រដែលអ្នកចង់ដាក់ Shortcut ឲ្យ។ ឧ. news.sabay.com.kh
-បន្ទាប់មកចុចប៊ូតុង Share ដែលស្ថិតនៅចំកណ្ដាល (មើលរូប)
-នៅពេលនោះនឹងមានលោតផ្ទាំងមួយចេញមក ហើយចុចយកពាក្យ Add To Home Screen
-បន្ទាប់មកអ្នកត្រូវវាយឈ្មោះ Shortcut សម្រាប់តំណាង រួចចុចប៊ូតុង Add នោះជាការស្រេច។ Shortcut ដែលមានរាងជា App នឹងលោតទៅលើ Home Screen នៃទូរសព្ទរបស់អ្នកមិនខាន។ ចង់បើកវិបសាយ គ្រាន់តែចុចលើ Shortcut នោះនឹងនាំអ្នកទៅដល់គេហទំព័រនោះភ្លាម។
២.សម្រាប់ទូរសព្ទប្រើប្រព័ន្ធប្រតិបត្តិការ Android
-ជាដំបូងចូលទៅកាន់ Internet ដែលមានស្រាប់ក្នុងទូរសព្ទរបស់អ្នក
-រួចបើកគេហទំព័រដែលអ្នកចង់ដាក់ Shortcut ឲ្យ។ ឧ. news.sabay.com.kh
-រួចចុចប៊ូតុងដូចរូបខាងក្រោម ហើយរើសយកពាក្យ Add shortcut on home screen នោះជាការស្រេច
-ក្នុងករណីមិនឃើញប៊ូតុងដូចរូបខាងលើនោះទេ សូមចុចប៊ូតុង Option (ខាងក្រោមផ្នែកខាងឆ្វេង) ហើយជ្រើសរើស Save to Bookmarks
-បន្ទាប់មកទៀត ចុចចូលទៅ Bookmarks ហើយចុចត្រង់វិបសាយដែលអ្នកចង់បង្កើត Shortcut នោះឲ្យយូរ នោះផ្ទាំងមួយនឹងលេចចេញមកឲ្យអ្នករើស រួចជ្រើសយកពាក្យ Add shortcut on home screen នោះជាការស្រេច៕
ដោយ sabay.com.kh
អត្ថបទ៖ ហៃ សុខហេង
ប្រភព៖ pcadvisor, alltechtricks