តើអ្នកធ្លាប់បានគិតទេថាហេតុអ្វីបានជាអ្នកគួរតែចេះញ៉ែ ឬតើការញ៉ែទទួលបានអត្ថប្រយោជន៏អ្វីខ្លះ? ជាធម្មតា មនុស្សដែលចេះញ៉ែត្រូវបានអ្នកដទៃគិតថា ជាមនុស្សមិនល្អ ឬអាចហៅបានថាជាមនុស្សឃើញស្រីមិនបាន។ ប៉ុន្តែនៅពេលដែលអ្នកយល់ពីទស្សនៈនៃការញ៉ែ នោះអ្នកនឹងដឹងថា វាមិនអាក្រក់អ្វីឡើយ។
តាមរយៈការសិក្សាស្រាវជ្រាវជាច្រើនបានបង្ហាញថា មនុស្សភាគច្រើនញ៉ែ ដើម្បីទាក់ទាញចំណង់ផ្លូវភេទពីអ្នកណាម្នាក់។
ខាងក្រោមនេះជាហេតុផលមួយចំនួនដែលអ្នកត្រូវតែគិតឲ្យបានច្បាស់អំពីការញ៉ែ៖
អ្នកនឹងបានក្លាយជាមនុស្សមានទំនាក់ទំនងដ៏ល្អ
នៅពេលអ្នកកំពុងតែនិយាយទំនាក់ទំនងជាមួយនឹងមិត្តភក្តិថ្មីរបស់អ្នក ភ្លាមនោះស្រាប់តែស្ងាត់ ហើយអ្នករកនឹកពាក្យសម្តីដើម្បីនិយាយបន្ត។ ការបន្តពាក្យសម្តីមិនចេះដាច់ជារឿងមួយសំខាន់ និងពិបាកបំផុត។ អ្នកចេះញ៉ែមិនដូចគ្នាទាំងអស់ឡើយ។ នៅពេលអ្នកញ៉ែអ្នកណាម្នាក់ អ្នកនឹងត្រូវលេងកំប្លែងឬបញ្ចប់នូវរឿងល្អ ដើម្បីទាក់ទាញការឆ្លើយតបមកវិញ។ វិធីនេះអាចជួយបង្កើតការយល់ពីគ្នាកាន់តែច្រើនឡើង និងធ្វើឲ្យមនុស្សមានទំនាក់ទំនងជាមួយគ្នាបានឆាប់រហ័ស។
បង្កើនទំនុកចិត្តរបស់អ្នក
ការញ៉ែមិនត្រឹមតែធ្វើឲ្យមនុស្សម្នាក់មានអារម្មណ៏ល្អប៉ុណ្ណោះទេ ប៉ុន្តែការបានឃើញមនុស្សម្នាក់មានក្តីសុខ ហើយសើចចំពោះរឿងកំប្លែងរបស់អ្នក ធ្វើឲ្យអ្នកមានអារម្មណ៏ល្អចំពោះខ្លួនឯងផងដែរ។ ត្រូវចងចាំទុករឿងអាថ៌កំបាំងតិចតួចថា អ្នកមានទំនុកចិត្តលើខ្លួនឯងកាន់តែច្រើន, មនុស្សនឹងមករកអ្នកកាន់តែច្រើន។ វិធីនេះអាចជួយជម្រុញដល់ទំនុកចិត្ត និងជំនឿជាក់លើខ្លួនឯង។
ជួយពង្រឹងស្នេហារបស់អ្នក
អ្នកអាចនឹងភាន់ច្រលំចំពោះរឿងនេះ! វិធីនេះគឺគ្រាន់តែសម្រាប់មនុស្សដែលមានទំនាក់ទំនងស្នេហាជាមួយគ្នា។ គ្មានហេតុផលណាត្រូវបញ្ឈប់ការចែចង់គូស្នេហ៏របស់អ្នកឡើយ ក្រោយពេលរៀបការជាមួយគ្នារួច។ ការចែចង់គូស្នេហ៏របស់អ្នកអាចជួយរក្សាចំណងស្នេហារបស់អ្នកឲ្យបានល្អ។ រក្សាក្តីសុខឲ្យគូស្នេហ៏របស់អ្នកដោយការចែចង់គេ។
ធ្វើឲ្យអ្នកមានអារម្មណ៏ល្អ
នៅពេលអ្នកបានធ្វើឲ្យគូស្នេហ៏របស់អ្នកមានអារម្មណ៏ល្អ អ្នកក៏ទទួលបានអារម្មណ៏ល្អដូចគ្នា។ អ្នកត្រូវដឹងពីសក្តានុពល និងភាពថ្កុំថ្កើងរបស់អ្នកនៅក្នុងផ្លូវល្អ ព្រោះវាអាចជួយឲ្យចិត្តគំនិតរបស់អ្នកកាន់តែខ្ពស់ឡើង។
កាត់បន្ថយភាពតានតឹង
នៅពេលអ្នកចែចង់មនុស្សម្នាក់ដែលកំពុងមានការព្រួយបារម្ភច្រើន និងក្រៀមក្រំក្នុងចិត្ត ឲ្យប្រែក្លាយជាសប្បាយចិត្តបានជាមួយនឹងភាពកំប្លែងអស់សំណើចរបស់អ្នក។ វានឹងជួយកាត់បន្ថយភាពតានតឹងចេញពីមនុស្សម្នាក់នោះ។ វាបានធ្វើឲ្យគេបានសម្រាកចិត្ត ព្រោះគេបានផ្តោតច្រើនទៅលើអ្វីដែលអ្នកកំពុងនិយាយហើយធ្វើឲ្យគេរីករាយភ្លាម ភ្លេចអស់រឿងរ៉ាវដែលរំខានដល់គេ។គេចាប់ផ្តើមមានអារម្មណ៏ល្អ ហើយអរគុណអ្នក។
ជួយឲ្យបានជួបនឹងមនុស្សថ្មី
ប្រសិនបើអ្នកជាមនុស្សប៉ិនញ៉ែ អ្នកជាមនុស្សដែលមានគេចូលចិត្តច្រើន។ អ្នកស្គាល់មនុស្សថ្មីៗជាច្រើននៅក្នុងសង្គម។
ជួយជម្រុញដល់ប្រព័ន្ធភាពស៊ាំ
តាមការសិក្សាជាច្រើនបានណែនាំថា មនុស្សដែលពូកែចែចង់គេ ច្រើនតែមានបរិមាណកោសិកាឈាមសខ្ពស់ ដែលអាចជួយបង្កើនដល់ប្រព័ន្ធភាពស៊ាំ។ ដូច្នេះហេតុអ្វីត្រូវគិតដល់ទៅ ២ដងមុននឹងចែចង់គេ ព្រោះវាអាចជួយឲ្យអ្នកមានរាងស្លីមស្អាត៕