សភាវៈចម្លែកមួយ ដែលស្រដៀងមនុស្ស និងស្វាផង បានបង្កការភ្ញាក់ផ្អើល គ្រាគេរកឃើញវានៅក្រោមស្រទាប់ដី នាប្រទេសឥណ្ឌា ។
គេហទំព័រ News Nation របស់ ឥណ្ឌា ឲ្យដឹងថា ពលរដ្ឋ នៅភូមិ Bawadi, ទីក្រុង Jodhpur រដ្ឋ Rajasthan ពិតជា ស្រឡាំងកាំង និងភ្ញាក់ផ្អើល យ៉ាងខ្លាំង ខណៈពេល ឃើញសត្វចម្លែក អំឡុងពេលពួកគេជីកអណ្តូងយកទឹកប្រើប្រាស់ ។
គេហទំព័រខាងលើពណ៌នាថាវាមានលក្ខណៈពិសេស ប្រហាក់ប្រហែលនឹង រាងកាយ របស់ មនុស្ស ទោះបីទ្រង់ទ្រាយរបស់វាតូចជាង។
ពិសេស ភ្នែក ទាំងគូ លៀនចេញ ជា ហេតុនាំឲ្យ អ្នកមើលនាំគ្នាខ្លាច ។ ក្រៅពីនោះ វាមានម្រាមដៃ ៤ ពុំមានមេដៃទេ។
បច្ចុប្បន្ន រូបភាពរបស់សត្វចម្លែកនេះ ត្រូវបានចែករំលែកពាសពេញពិភពលោក តែវាជាសត្វអ្វីនោះ គេនៅពុំទាន់សន្និដ្ឋានបានទេ ។
អ្នកខ្លះថាជាសត្វទើបកើត និងខ្លះទៀតថាជាទារកក្នុងគភ៌ ដែលមានការប្រែប្រួលហ្សែន ។ទោះយ៉ាងណា គេនៅរង់ចាំចម្លើយរបស់អ្នកវិទ្យាសាស្ត្រ៕