យន្តហោះដែលធ្លាក់នេះ គឺជាយន្តហោះរបស់ក្រុមហ៊ុនអាកាសចរណ៍អាល្លឺម៉ង់ ឈ្មោះ Germanwings ដែលជាសាខាមួយរបស់ក្រុមហ៊ុន Lufthansa ។ យន្តហោះនេះធ្វើការហោះហើរចេញពីទីក្រុង Barcelone ប្រទេសអេស្ប៉ាញ ឆ្ពោះទៅកាន់ក្រុង Dusseldorf (អាល្លឺម៉ង់) ដោយកាត់ពីលើប្រទេសបារាំង។
យោងតាមអាជ្ញាធរអាកាសចរណ៍ស៊ីវិលបារាំង យន្តហោះធុន Airbus A320 នេះ បានបាត់ពីរ៉ាដា នៅម៉ោងប្រមាណជា ១១ព្រឹក ម៉ោងក្នុងប្រទេសបារាំង (ត្រូវនឹងម៉ោង ៥ល្ងាច ម៉ោងនៅប្រទេសកម្ពុជា)។ បំណែកយន្តហោះត្រូវបានឧទ្ធម្ភាគចក្ររបស់កងអាវុធហត្ថបារាំងប្រទះឃើញ នៅពេលហោះក្រវែលពីលើតំបន់គ្រោះថ្នាក់ ក៏ប៉ុន្តែ ក្រុមសង្រ្គោះនៅមិនទាន់បានចូលទៅដល់ទីតាំងកើតហេតុនៅឡើយទេ ដោយសារតែយន្តហោះបានធ្លាក់នៅចំតំបន់ភ្នំ ដែលពិបាកនឹងចូលទៅដល់។
មន្រ្តីអ្នកនាំពាក្យក្រសួងមហាផ្ទៃបារាំងបានឲ្យដឹងថា ភ្លាមៗក្រោយពីទទួលដំណឹងស្តីពីគ្រោះថ្នាក់យន្តហោះនេះ ប្រតិបត្តិការសង្រ្គោះទ្រង់ទ្រាយធំត្រូវបានអាជ្ញាធរចាប់ផ្តើមរៀបចំ ធ្វើភ្លាមៗ។
លោក Manuel Valls នាយករដ្ឋមន្រ្តីបារាំងបានឲ្យដឹងថា រដ្ឋមន្រ្តីក្រសួងមហាផ្ទៃនឹងចេញដំណើរទៅកាន់កន្លែងកើតហេតុភ្លាមៗ ដើម្បីដឹកនាំប្រតិបត្តិការសង្រ្គោះ ក៏ប៉ុន្តែ លោក Manuel Valls ក៏ដូចជា លោកហ្វ្រង់ស័រ ហូឡង់ ប្រធានាធិបតីបារាំង ហាក់មិនមានក្តីសង្ឃឹមថានឹងមានអ្នករស់រានមានជីវិតនៅក្នុង គ្រោះថ្នាក់នេះទេ។
គួរបញ្ជាក់ថា នៅក្នុងចំណោមមនុស្សទាំង ១៤៨នាក់ ដែលជិះលើយន្តហោះ មានអ្នកដំណើរចំនួន ១៤២នាក់ និង ៦នាក់ទៀត គឺជាអ្នកបើកបរនិងអ្នកបម្រើលើយន្តហោះ៕
យោងតាមអាជ្ញាធរអាកាសចរណ៍ស៊ីវិលបារាំង យន្តហោះធុន Airbus A320 នេះ បានបាត់ពីរ៉ាដា នៅម៉ោងប្រមាណជា ១១ព្រឹក ម៉ោងក្នុងប្រទេសបារាំង (ត្រូវនឹងម៉ោង ៥ល្ងាច ម៉ោងនៅប្រទេសកម្ពុជា)។ បំណែកយន្តហោះត្រូវបានឧទ្ធម្ភាគចក្ររបស់កងអាវុធហត្ថបារាំងប្រទះឃើញ នៅពេលហោះក្រវែលពីលើតំបន់គ្រោះថ្នាក់ ក៏ប៉ុន្តែ ក្រុមសង្រ្គោះនៅមិនទាន់បានចូលទៅដល់ទីតាំងកើតហេតុនៅឡើយទេ ដោយសារតែយន្តហោះបានធ្លាក់នៅចំតំបន់ភ្នំ ដែលពិបាកនឹងចូលទៅដល់។
មន្រ្តីអ្នកនាំពាក្យក្រសួងមហាផ្ទៃបារាំងបានឲ្យដឹងថា ភ្លាមៗក្រោយពីទទួលដំណឹងស្តីពីគ្រោះថ្នាក់យន្តហោះនេះ ប្រតិបត្តិការសង្រ្គោះទ្រង់ទ្រាយធំត្រូវបានអាជ្ញាធរចាប់ផ្តើមរៀបចំ ធ្វើភ្លាមៗ។
លោក Manuel Valls នាយករដ្ឋមន្រ្តីបារាំងបានឲ្យដឹងថា រដ្ឋមន្រ្តីក្រសួងមហាផ្ទៃនឹងចេញដំណើរទៅកាន់កន្លែងកើតហេតុភ្លាមៗ ដើម្បីដឹកនាំប្រតិបត្តិការសង្រ្គោះ ក៏ប៉ុន្តែ លោក Manuel Valls ក៏ដូចជា លោកហ្វ្រង់ស័រ ហូឡង់ ប្រធានាធិបតីបារាំង ហាក់មិនមានក្តីសង្ឃឹមថានឹងមានអ្នករស់រានមានជីវិតនៅក្នុង គ្រោះថ្នាក់នេះទេ។
គួរបញ្ជាក់ថា នៅក្នុងចំណោមមនុស្សទាំង ១៤៨នាក់ ដែលជិះលើយន្តហោះ មានអ្នកដំណើរចំនួន ១៤២នាក់ និង ៦នាក់ទៀត គឺជាអ្នកបើកបរនិងអ្នកបម្រើលើយន្តហោះ៕