គូរស្នេហ៍មួយគូរឈ្លោះប្រកែកគ្នា រហូតឈានទៅវាយគ្នាផ្អើលអ្នកភូមិចោមរោមមើល
រាជធានីភ្នំពេញ៖ គូរស្នេហ៍មួយគូរឈ្លោះប្រកែកគ្នាយ៉ាងខ្លាំង រហូតឈានទៅវាយតប់គ្នាទៅវិញទៅមកនៅកណ្តាលផ្លូវសាធារណៈទាំងយប់ ធ្វើអោយមានការភ្ងាក់ផ្អើល ដល់អ្នកភូមិចោមរោមមើល កាលពីវេលាម៉ោង ១១និង២០នាទីយប់ ថ្ងៃទី០៥ ខែមេសា ឆ្នាំ២០១៥ ស្ថិតនៅ ចំណុចស្តុបទួលគោក តាមបណ្តោយផ្លូវលេខ២៨៩កែនិងផ្លូវសហពន្ធ័រុស្ស៊ី ក្នុងសង្កាត់ទឹកល្អក់១ ខណ្ឌទួលគោក ។
ប្រភពព័ត៌មាននៅកន្លែងកើតហេតុ បានឲ្យដឹងថា មុនពេលកើតហេតុគេសង្កេត ឃើញ គូរស្នេហ៍មួយគូជិះម៉ូតូម្នាក់មួយគ្រឿង បានមកឈប់នៅកណ្តាលផ្លូវសាធារណៈប្រកែកគ្នាយ៉ាងតឹងសសៃក មិនដឹងថាមានទំនាស់គ្នាចេញពីណាកនោះទេ ។ ស្រាប់តែភាគីខាងស្រីស្ទុះទៅវាយខាងប្រុសបង្កឲ្យមានការភ្ងាក់ផ្អើលដល់ អ្នកធ្វើដំណើរចោមរោមមើល ។ ប្រភពដដែលបន្តទៀតថា គូរស្នេហ៍មួយគូរនេះសង្ស័យមានការប្រចណ្ឌគ្នាហើយបានជាឈ្លោះ ពាក្យសម្តី គ្នាខ្លាំង ទើបរហូតដល់ការវាយតប់គ្នានៅកណ្តាលផ្លូវបែបនេះ ។
ក្រោយពីឈ្លោះប្រកែកនិងវាយតប់គ្នាជាងកន្លះម៉ោងរួចគូរស្នេហ៍មួយគូរខាងលើ នេះបានឡើងជិះ ម៉ូតូរៀងៗ ខ្លួនចាក់ចេញពីកន្លែងកើតហេតុបាត់អស់តែម្តង ៕