គេសង្កេតឃើញថាមានមនុស្សភាគច្រើននៅតែមានភាពភាន់ច្រឡំនឹងលទ្ធភាពនៃការមានកូន របស់ខ្លួន ហើយបើសិនជាយើងស្តាប់មើលទៅវាពិតជាគួរឲ្យអស់សំណើចទៀតផង។
១០.ទឹកសូដា និងកាហ្វេ មនុស្ស ភាគច្រើនបានដឹងនិងយល់ឃើញថា ការផឹកសូដានឹងធ្វើឲ្យបុរសមានកម្រិតទឹកស្ពែម ឬទឹកកាមថយចុះ តែបើផឹកកាហ្វេច្រើនវានឹងធ្វើក្រលៀនខ្សោយ ឬ មិនអាចបំពេញចំណងកាមតណ្ហាប្រពន្ធឬ មិត្តស្រីខ្លួនបានល្អ។ទាំងនេះគឺសុទ្ធតែជាការយល់ខុស។ ទោះបីជាមនុស្សប្រុសអាចផឹកទឹកសូដាបាន១០ដបឬកាហ្វេ១០ពែងក្នុង មួយថ្ងៃនោះក៏គេនៅតែអាចមានលទ្ធភាពបង្កបង្កើតបន្តពូជឲ្យ ប្រពន្ធគេមានគភ៌បានដែរ។
៩.ការប្រើស្រោមអនាម័យពីរជាន់ បុរស មួយចំនួនជឿថាការប្រើស្រោមអនាម័យមួយជាន់ធ្វើឲ្យអារម្មណ៍ពួក គេល្អនាពេលរួមភេទ តែបើប្រើពីរជាន់វារឹតតែល្អទៅទៀត។ តាមពិតទៅការយល់បែបនេះមិនត្រឹមត្រូវឡើយ ខណៈការប្រើស្រោមពីរជាន់នេះវាបានបង្កឲ្យមានការប៉ះទង្គិចរវាង ជាតិជ័រស្រោមទាំងពីរទៅវិញទេ ដែលវាបង្កឲ្យមានការរំខានដល់អារម្មណ៍រួមភេទផងដែរ។ ដូច្នេះប្រការល្អប្រើស្រោមអនាម័យមួយជាន់វាល្អប្រសើរជាងការ ប្រើស្រោមពីរជាន់។
៨.អាងងូតទឹកក្តៅ តាមពិតពេលរួមរ័កនៅ អាងងូតទឹកក្តៅនេះក៏អាចមានកូនមិនខុសប្លែកពីការរួមភេទនៅលើ គ្រែក្នុងបន្ទប់គេងដែរ។ មនុស្សជឿថា ស្រោមអនាម័យពេលប៉ះជាតិក្លូរីន វានឹងបង្កជាកម្តៅឡើងហើយសម្លាប់មេជីវិតមនុស្សប្រុសបាន។ តែការពិតមេជីវិតបុរសបានចូលទៅខាងក្នុងស្បូនរបស់ស្រ្តីនោះនៅ តែអាចមានលទ្ធភាពបង្កកំណើតជាទារកបានដដែល។
៧.ការលោតហាត់ប្រាណ វា គឺជារឿងមួយដ៏ល្អសម្រាប់ស្រ្តីទោះបីជាបានរួមភេទរួចហើយក្តី តែទង្វើបែបនេះវាមិនមានផលប៉ះពាល់ដល់ការបង្កកំណើតឡើយ។ មេជីវិតបុរសមិនអាចធ្លាក់ចេញពីសំណុំស្បូនមនុស្សស្រីបានឡើយ ព្រោះវានៅខាងក្នុងឯណោះ។ ទឹកកាមបុរសទាំងនោះនៅតែហែលពាសពេញស្បូនដើម្បីរកលទ្ធភាពទៅបង្ក កំណើតជាអូវែរដើម្បីបង្កើតបានទារក។
៦.ទឹកថ្នាំលាងប្រដាប់ភេទ តើ ការប្រើថ្នាំលាងសម្អាតប្រដាប់ភេទបន្ទាប់ពីរួមភេទពិតជាមិនអាច មានកូនបានមែនឬ? មិនត្រឹមត្រូវទេ ទោះបី ជាមានទឹកកាមបុរសហៀរចេញមកក្រៅខ្លះក្តី ក៏មួយចំនួនទៀតវានៅតែអាចមានលទ្ធភាពចូលទៅរកអូវែរដើម្បីបង្ក កំណើតបានដែរ ហើយវាមានកំណើតលឿនសម្រាប់ឲ្យស្រ្តីមានផ្ទៃពោះទៀតផង។
៥.ការប្រើក្បាច់ជិះសេះស គេ សង្កេតឃើញថាមានក្បាច់ដ៏ពេញនិយមមួយសម្រាប់សម្ព័ន្ធភាពរួមភេទ គឺក្បាច់ជិះសេះស ឬ ស្រីនៅលើប្រុស។ ក្បាច់នេះមានទស្សនៈយល់ថា វាពុំអាចឲ្យពួកគេមានកូនបានឡើយ ដោយសារគេគិតថាទឹកកាមបុរសនឹងហៀរចេញមកក្រៅបន្ទាប់ពីសម្រេចកាម គុណ។ ផ្ទុយទៅវិញមេជីវិតបុរសពិតជាមានសមត្ថភាពអស្ចារ្យមិនអាចស្មាន ដល់គឺវាអាចចុះសមុទ្រនិងឡើងភ្នំភ្លើងបានដើម្បីទៅរកការបង្ក កំណើតដដែល ទោះជាវាស្ថិតក្នុងស្ថានភាពឬទីតាំងបែបណាក៏ដោយ។
៤.ពេលមានរដូវ ទស្សនៈ មួយចំនួនគិតថា ការរួមភេទនាពេលដែលអូវុលទុំជ្រុះពីស្បូន ឬ ពេលស្រ្តីធ្លាក់រដូវនោះអត្រាមានកូននាពេលនេះមិនមានឡើយ។ តែមេជីវិតបុរសអាចសម្ងំរស់នៅក្នុងស្បូនស្រ្តីបានចាប់ពីបីទៅ ប្រាំថ្ងៃបាន ខណៈការធ្លាក់អូវុលរបស់ស្រ្តីវិញមិនមានលក្ខណៈទៀងទាត់ឡើយសម្រាប់ ខែនីមួយៗនោះ។ ដូច្នេះអត្រាគ្មានកូនសម្រាប់កាលៈទេសៈនេះមានត្រឹមតែ៣៥ភាគរយ ប៉ុណ្ណោះ។
៣. ស្នេហ៍គ្រាដំបូង មនុស្សខ្លះគិតថាសម្ព័ន្ធភាពរួម រ័កលើកដំបូង ឬ ស្នេហ៍គ្រាដំបូងនោះ ពិតជាមិនអាចមានកូនបានឡើយ។ ផ្ទុយទៅវិញ អត្រាមានគភ៌សម្រាប់ស្រ្តីបន្ទាប់ពីរួមភេទមកមានគ្រប់កាលៈទេសៈ ទោះបីស្នេហ៍គ្រាដំបូងក៏ដោយ។
២.អំឡុងពេលមានរដូវ មានអ្នក ខ្លះបានគិតថា ប្រសិនបើដំណាក់កាលមានរដូវរបស់ស្រ្តីនោះ ឱកាសមានកូននឹងមិនមានទេព្រោះរយៈពេលពីរសប្តាហ៍ឯណោះទើបអូវុល ទុំធ្លាក់។ ការយល់បែបនេះវាក៏ជាហេតុការណ៍ដ៏កម្រដែរ ដោយសារតែវដ្តរដូវរបស់ស្រ្តីប្រែប្រួល ដូច្នេះឱកាសមានកូននៅតែអាចមានដដែល។
១.យុទ្ធសាស្ត្រចាក់ទឹកក្រៅពាង ការ ប្រើយុទ្ធសាស្រ្តចាក់ទឹកក្រៅពាង ឬ ដកលិង្គចេញក្រៅយោនីស្រ្តីមុនពេលបាញ់ទឹកកាម គឺជារឿងមួយដែលបុរសស្ត្រីយល់ច្រឡំ។ កុំភ្លេចថាមុនលិង្គបុរសបាញ់ទឹកកាមនោះ វាក៏មានសារធាតុរាវម្យ៉ាងដែលមានលាយមេជីវិតបុរសដែរទោះបីជា បុរសបានដកលិង្គចេញក្រៅក៏ដោយ។ ចំណុចនេះហើយជាឱកាសដែលមេជីវិតបុរសអាចទៅបង្កកំណើតជាមួយនឹង អូវុលមនុស្សស្រីបាន៕PR