លោក កឹម សុខា អនុប្រធានគណបក្សសង្គ្រោះជាតិ បានអំពាវនាវឲ្យថ្នាក់ដឹកនាំគ្រប់ជាន់ថ្នាក់របស់បក្សខ្លួននៅតាមមូលដ្ឋានទាំងអស់ ត្រៀមរៀបចំអ្នកបន្តវេន ជាពិសេស យុវជនសម្រាប់បន្តវេន ក្នុងការដឹកនាំគណបក្សសង្គ្រោះជាតិ និងដឹកនាំប្រទេសទៅថ្ងៃអនាគត ព្រោះរូបលោក និងលោក សម រង្ស៊ី បានត្រៀមខ្លួនផ្ទេរតំណែងរួចហើយ ។ អ្នកវិភាគនយោបាយ យល់ថា ការណ៍នេះ ជារឿងល្អមួយដែលអ្នកនយោបាយចាស់ៗ ទុកឱកាសឲ្យយុវជន ក្នុងការបង្ហាញពីសមត្ថភាព និងគំនិតថ្មីៗរបស់ខ្លួន ក្នុងការអភិវឌ្ឍន៍ប្រទេស តាមបែបប្រជាធិបតេយ្យ។
លោក កឹម សុខា ស្នើឲ្យយុវជនជំនាន់ក្រោយរបស់បក្សខ្លួន ត្រូវត្រៀមខ្លួនបន្ដវេននៅក្នុងគណបក្ស ហើយគណបក្សរបស់លោកនឹងបង្រៀន ហើយពន្យល់បន្ថែមដល់យុវជន ដើម្បីឲ្យក្លាយជាអ្នកដឹកនាំ ។ ថ្លែងចំពោះមុខសមាជិក សមាជិការ អ្នកគាំទ្ររបស់ខ្លួន នាខេត្តតាកែវ កាលពីពេលថ្មីៗនេះ លោក កឹម សុខា បានបញ្ជាក់ថា រូបលោក និងលោក សម រង្ស៊ី បានត្រៀមខ្លួនរួចហើយ ដើម្បីផ្ទេរតំណែងដល់យុវជនជំនាន់ក្រោយដឹកនាំបក្សជំនួសលោកទាំងពីរ។ នេះជាសម្តីដ៏កម្ររបស់លោក កឹម សុខា ដែលស្ទើរតែមិនធ្លាប់មានពីមុនមក ។ «គ្នាយើងផ្ទេរមិនផ្ទេរឲ្យអ្នកជំនាន់ក្រោយ? សម រង្ស៊ី កឹម សុខា ក៏ត្រៀមផ្ទេរឲ្យអ្នកបន្តវេនជំនាន់ក្រោយៗតទៅទៀតដែរបាទ ។ ហើយសមាជ សន្និបាត នឹងមានការផ្លាស់ប្ដូរ នឹងមានការរៀបចំកម្លាំងដើម្បីបន្តវេន អត់មាននៅដដែលទេ ត្រូវតែកែទាំងអស់គ្នា គឺផ្លាស់ប្ដូរតាំងពីមូលដ្ឋានទៅដល់លើ ដើម្បីការរីកចម្រើន ដើម្បីអនាគត ។ យុវជនឥឡូវនេះពូកែជាងយើងឆ្ងាយណាស់» ។ នេះជាការបញ្ជាក់របស់លោក កឹម សុខា។
លោក អ៊ូ វីរៈ អ្នកវិភាគនយោបាយ យល់ឃើញថា នេះជារឿងមួយត្រឹមត្រូវ សម្រាប់គណបក្សសង្គ្រោះជាតិ ក្នុងការទាញយកយុវជនពូកែ ចូលរួមជាមួយគណបក្ស និងជាឱកាសឈ្នះឆ្នោតសម្រាប់ខ្លួនផងដែរ។ លោកថា ការទុកឱកាសឲ្យយុវជនជំនាន់ក្រោយនេះ ក៏បង្ហាញថា អ្នកនយោបាយចាស់ៗមិនចង់ក្រាញអំណាច ពោលគឺទុកឲ្យយុវជនអាចបញ្ចេញពីសមត្ថភាព និងគំនិតថ្មីៗរបស់ពួកគេ ក្នុងដំណើរការអភិវឌ្ឍប្រទេស ។
អ្នកវិភាគរូបនេះអត្ថាធិប្បាយយ៉ាងដូច្នេះថា៖« គណបក្សសន្យាដូរផ្ទៃក្នុងគណបក្ស អាចទាក់ទាញក្មេងៗពូកែចូលរួមច្រើន។ ព្រោះបើអ្នកនយោបាយនៅតែក្រាញអំណាចវាគ្មានគំនិតអភិវឌ្ឍន៍ប្រទេសអ្វីថ្មីនោះទេ ។ ហើយអ្នកបន្ដវេន អ្នកមានឆន្ទៈ អ្នកមានទេពកោសល្យ ក៏គេមិនចូលរួមជាមួយគណបក្សដែរ ព្រោះពួកគេគ្មានឱកាសក្នុងការដឹកនាំប្រទេស។ តែបើទុកឱកាសឲ្យយុវជនជំនាន់ក្រោយ ពួកគេអាចមានគំនិតថ្មីៗ និងអាចបញ្ចេញសមត្ថភាពរបស់ពួកគេ»។
លោក រស់ រ៉ាវុធ សាស្ត្រាចារ្យវិទ្យាសាស្ត្រនយោបាយ យល់ថា គម្រោងកំណែទម្រង់រៀបចំអ្នកបន្ដវេនរបស់មេដឹកនាំគណបក្សសង្គ្រោះជាតិនាពេលនេះ គឺជាការផ្លាស់ប្ដូរតាមបែបប្រជាធិបតេយ្យ ហើយក៏បង្ហាញថា អ្នកនយោបាយចាស់ៗទទួលស្គាល់ពីភាពឆ្លាតវៃរបស់យុវជនជំនាន់ក្រោយ ដែលពួកគេអាចមានសមត្ថភាពគ្រប់គ្រាន់ក្នុងដំណើរការអភិវឌ្ឍ និងការដឹកនាំប្រទេស ។ «ការផ្លាស់ប្ដូរពីមនុស្សចាស់ទៅកាន់យុវជនគឺជាការល្អប្រសើរមួយ។តែការផ្លាស់ប្ដូរត្រូវឲ្យអ្នកមានសមត្ថភាព មិនមែនផ្ទេរតំណែងឲ្យអ្នកគ្មានសមត្ថភាពនោះទេ។ ហើយខ្ញុំយល់ថាយុវជននាពេលបច្ចុប្បន្ននេះ ពួកគេមានសមត្ថភាព បទពិសោធន៍ច្រើនក្នុងការយល់ដឹង និងស្វែងយល់ពីសង្គមច្រើន ដូចនេះពួកគេអាចជួយអភិវឌ្ឍប្រទេសបានច្រើន» ។ នេះជាការពន្យល់របស់លោក រស់ រ៉ាវុធ។
តែជុំវិញបញ្ហានេះ អ្នកវិភាគនយោបាយទាំងពីរក៏បានបញ្ជាក់ដែរថា បើសិនជាមានការផ្លាស់ប្ដូរអ្នកបន្ដវេន អ្នកនយោបាយគួរតែទុកឱកាសឲ្យយុវជនមានសមត្ថភាពខ្ពស់ ចៀសវាងរៀបចំអ្នកបន្តវេន ដែលជាប់សែស្រឡាយ ឬសាច់ញាតិរបស់អ្នកនយោបាយនៅក្នុងគណបក្ស ពោលគឺបានន័យថា ចៀសវាងកុំឲ្យអ្នកមានសមត្ថភាព គ្មានសែស្រឡាយអ្នកនយោបាយបាត់បង់ឱកាស និងអន់ចិត្ត៕
លោក កឹម សុខា ស្នើឲ្យយុវជនជំនាន់ក្រោយរបស់បក្សខ្លួន ត្រូវត្រៀមខ្លួនបន្ដវេននៅក្នុងគណបក្ស ហើយគណបក្សរបស់លោកនឹងបង្រៀន ហើយពន្យល់បន្ថែមដល់យុវជន ដើម្បីឲ្យក្លាយជាអ្នកដឹកនាំ ។ ថ្លែងចំពោះមុខសមាជិក សមាជិការ អ្នកគាំទ្ររបស់ខ្លួន នាខេត្តតាកែវ កាលពីពេលថ្មីៗនេះ លោក កឹម សុខា បានបញ្ជាក់ថា រូបលោក និងលោក សម រង្ស៊ី បានត្រៀមខ្លួនរួចហើយ ដើម្បីផ្ទេរតំណែងដល់យុវជនជំនាន់ក្រោយដឹកនាំបក្សជំនួសលោកទាំងពីរ។ នេះជាសម្តីដ៏កម្ររបស់លោក កឹម សុខា ដែលស្ទើរតែមិនធ្លាប់មានពីមុនមក ។ «គ្នាយើងផ្ទេរមិនផ្ទេរឲ្យអ្នកជំនាន់ក្រោយ? សម រង្ស៊ី កឹម សុខា ក៏ត្រៀមផ្ទេរឲ្យអ្នកបន្តវេនជំនាន់ក្រោយៗតទៅទៀតដែរបាទ ។ ហើយសមាជ សន្និបាត នឹងមានការផ្លាស់ប្ដូរ នឹងមានការរៀបចំកម្លាំងដើម្បីបន្តវេន អត់មាននៅដដែលទេ ត្រូវតែកែទាំងអស់គ្នា គឺផ្លាស់ប្ដូរតាំងពីមូលដ្ឋានទៅដល់លើ ដើម្បីការរីកចម្រើន ដើម្បីអនាគត ។ យុវជនឥឡូវនេះពូកែជាងយើងឆ្ងាយណាស់» ។ នេះជាការបញ្ជាក់របស់លោក កឹម សុខា។
លោក អ៊ូ វីរៈ អ្នកវិភាគនយោបាយ យល់ឃើញថា នេះជារឿងមួយត្រឹមត្រូវ សម្រាប់គណបក្សសង្គ្រោះជាតិ ក្នុងការទាញយកយុវជនពូកែ ចូលរួមជាមួយគណបក្ស និងជាឱកាសឈ្នះឆ្នោតសម្រាប់ខ្លួនផងដែរ។ លោកថា ការទុកឱកាសឲ្យយុវជនជំនាន់ក្រោយនេះ ក៏បង្ហាញថា អ្នកនយោបាយចាស់ៗមិនចង់ក្រាញអំណាច ពោលគឺទុកឲ្យយុវជនអាចបញ្ចេញពីសមត្ថភាព និងគំនិតថ្មីៗរបស់ពួកគេ ក្នុងដំណើរការអភិវឌ្ឍប្រទេស ។
អ្នកវិភាគរូបនេះអត្ថាធិប្បាយយ៉ាងដូច្នេះថា៖« គណបក្សសន្យាដូរផ្ទៃក្នុងគណបក្ស អាចទាក់ទាញក្មេងៗពូកែចូលរួមច្រើន។ ព្រោះបើអ្នកនយោបាយនៅតែក្រាញអំណាចវាគ្មានគំនិតអភិវឌ្ឍន៍ប្រទេសអ្វីថ្មីនោះទេ ។ ហើយអ្នកបន្ដវេន អ្នកមានឆន្ទៈ អ្នកមានទេពកោសល្យ ក៏គេមិនចូលរួមជាមួយគណបក្សដែរ ព្រោះពួកគេគ្មានឱកាសក្នុងការដឹកនាំប្រទេស។ តែបើទុកឱកាសឲ្យយុវជនជំនាន់ក្រោយ ពួកគេអាចមានគំនិតថ្មីៗ និងអាចបញ្ចេញសមត្ថភាពរបស់ពួកគេ»។
លោក រស់ រ៉ាវុធ សាស្ត្រាចារ្យវិទ្យាសាស្ត្រនយោបាយ យល់ថា គម្រោងកំណែទម្រង់រៀបចំអ្នកបន្ដវេនរបស់មេដឹកនាំគណបក្សសង្គ្រោះជាតិនាពេលនេះ គឺជាការផ្លាស់ប្ដូរតាមបែបប្រជាធិបតេយ្យ ហើយក៏បង្ហាញថា អ្នកនយោបាយចាស់ៗទទួលស្គាល់ពីភាពឆ្លាតវៃរបស់យុវជនជំនាន់ក្រោយ ដែលពួកគេអាចមានសមត្ថភាពគ្រប់គ្រាន់ក្នុងដំណើរការអភិវឌ្ឍ និងការដឹកនាំប្រទេស ។ «ការផ្លាស់ប្ដូរពីមនុស្សចាស់ទៅកាន់យុវជនគឺជាការល្អប្រសើរមួយ។តែការផ្លាស់ប្ដូរត្រូវឲ្យអ្នកមានសមត្ថភាព មិនមែនផ្ទេរតំណែងឲ្យអ្នកគ្មានសមត្ថភាពនោះទេ។ ហើយខ្ញុំយល់ថាយុវជននាពេលបច្ចុប្បន្ននេះ ពួកគេមានសមត្ថភាព បទពិសោធន៍ច្រើនក្នុងការយល់ដឹង និងស្វែងយល់ពីសង្គមច្រើន ដូចនេះពួកគេអាចជួយអភិវឌ្ឍប្រទេសបានច្រើន» ។ នេះជាការពន្យល់របស់លោក រស់ រ៉ាវុធ។
តែជុំវិញបញ្ហានេះ អ្នកវិភាគនយោបាយទាំងពីរក៏បានបញ្ជាក់ដែរថា បើសិនជាមានការផ្លាស់ប្ដូរអ្នកបន្ដវេន អ្នកនយោបាយគួរតែទុកឱកាសឲ្យយុវជនមានសមត្ថភាពខ្ពស់ ចៀសវាងរៀបចំអ្នកបន្តវេន ដែលជាប់សែស្រឡាយ ឬសាច់ញាតិរបស់អ្នកនយោបាយនៅក្នុងគណបក្ស ពោលគឺបានន័យថា ចៀសវាងកុំឲ្យអ្នកមានសមត្ថភាព គ្មានសែស្រឡាយអ្នកនយោបាយបាត់បង់ឱកាស និងអន់ចិត្ត៕