កំពូលវេជ្ជបណ្ឌិតកែសម្រស់ម្នាក់បានព្រមានអំពីគ្រោះថ្នាក់នៃការ ចាក់បន្តឹងប្រដាប់ភេទ ក្រោយពីទទួលបានការស្នើសុំយ៉ាងច្រើនសន្ធឹកសន្ធាប់ពីអតិថិជនទាំង ការពង្រីកលិង្គ និងតំបន់ត្រីកោណ។
អ្នកស្រី នីទូ នៀរដូសហ៍ ជាអ្នកជំនាញផ្នែកស្បែកនៅ Harley Street បានឲ្យដឹងថា ការកែកុនទីអាថ៌កំបាំងសំខាន់ៗដូចជាកែទម្រង់ក្លែបយោនី និងទ្រង់ទ្រាយលិង្គមិនត្រឹមតែឥតប្រយោជន៍ប៉ុណ្ណោះទេ ប៉ុន្ដែវាបង្កឲ្យហើមដ៏ឈឺចាប់ ងាប់កោសិកាស្បែក ចេញឈាម និងបញ្ហាផ្សេងៗ។
អ្នកស្រីវេជ្ជបណ្ឌិត បានបន្ដថា៖ «គ្រាន់តែចាក់បញ្ចូលសារធាតុទៅបំពេញប្រដាប់ភេទឲ្យប៉ោងដែលស្ដ្រី ភាគច្រើនត្រូវការជាការស្រេច ពីព្រោះពួកគេមិនពេញចិត្ដនឹងការយារជ្រីវជ្រួញ ហើយរំពឹងថា វិធីនេះអាចសង្គ្រោះជីវិតផ្លូវភេទរបស់ពួកគេ»។
អ្នកស្រីព្រមានថា៖ «ខណៈការចាក់បន្តឹងស្បែកអាចលើកសម្រស់ដៃ និងមុខមាត់ឲ្យក្មេងជាងវ័យ ប៉ុន្តែបើចាក់នៅតំបន់ប្រដាប់ភេទវាបង្កហានិភ័យជាច្រើន»។
គ្រោះថ្នាក់ទាំងនេះ រួមមាន ការងាប់កោសិកាស្បែក សរសៃប្រសាទរំញោច ចេញឈាម ហើម និងបាត់បង់អារម្មណ៍ស្រណុកស្រួលពេលរួមភេទជាដើម។
អ្នកស្រី បានអះអាងថា៖ «គ្រោះថ្នាក់ផ្សេងទៀតអាចកើតឡើងដោយសារវាប៉ះពាល់កោសិកាជាច្រើន សរសៃឈាមជុំវិញ ក្លែបយោនី និងរង្វះបង្ហួរនោម»។
ក្រៅពីការប្រើខ្លាញ់ ឬសារធាតុរាវផ្សេងទៀតចាក់បន្តឹងតំបន់ត្រីកោណឲ្យឡើងកំពុងស្អាត នោះ ការកែសម្ផស្សដ៏ពេញនិយមផ្សេងទៀតរួមមានការវះកាត់ស្បែកស្រទាប់ ប្រដាប់ភេទដែលហៀរធ្លាក់ខ្លាំង និងការវះកាត់បន្ថយទំហំបបូរមាត់ជាប់ទ្វារមាសផងដែរ។
ការវះកាត់ស្បែកស្រទាប់ប្រដាប់ដែលហៀរធ្លាក់ខ្លាំងជាង ៥ ពាន់ករណីត្រូវបានប្រតិបត្ដិការក្នុងសហរដ្ឋអាមេរិកក្នុងឆ្នាំ ២០១៣ ហើយវាត្រូវបានចាត់ទុកជាការវះកាត់ដ៏ពេញនិយមលំដាប់ទី ២ បន្ទាប់ពីការវះកាត់ពង្រីកគូទ។
នារីៗដែលស្វះស្វែងរកសេវាកម្មកែសម្រស់ដើម្បីកាត់ ឬកែកុនក្លែបយោនីរបស់ខ្លួន (ក្លែបស្រទាប់ក្នុង) បានកើតឡើងយ៉ាងគំហុក។ នៅគ្លីនិកមួយក្នុងទីក្រុងឡុងដ៍បានទទួលអតិថិជនកើនដល់ ៨០ ភាគរយចន្លោះឆ្នាំ ២០១៣ និង ២០១៤ ។
អ្នកស្រី សារ៉ុន អូសប៊ន រងនូវការរិះគន់យ៉ាងខ្លាំងចំពោះការវះកាត់ជាក្លែបប្រដាប់ភេទ ប៉ុន្ដែបាននិយាយថា វាពិតជាឈឺខ្លាំងណាស់។ អ្នកស្រី សារ៉ុន បានប្រាប់ក្នុងកម្មវិធីរបស់ Graham Norton របស់ទូរទស្សន៍ BBC ថា៖ «វាជាវិធីកែកុនដែលធ្វើឲ្យកន្លែងនោះស្អាតដូចនៅក្មេង»។
មិនត្រឹមតែជាអតិថិជនស្ដ្រីប៉ុណ្ណោះទេដែលចង់កែកុនប្រដាប់ភេទ ឲ្យស្អាតនោះ។ បុរសក៏ចង់បង្ហាញអានុភាពរបស់ខ្លួនឲ្យដូចជាតារាបាល់ទាត់ ដេវីដ ប៊េកខេម ដែលរំលេចនូវទីទួលខ្ពស់ក្នុងថ្នក់ខោលីអូផងដែរ។ ពួកគេចង់កែកុនអាច្រមក់របស់ខ្លួនដើម្បីបង្កើនថាមពលអារម្មណ៍។
ការវះកាត់ពង្រីកសរីរាង្គណាមួយតែងតែពាក់ព័ន្ធនឹងការកាត់សរសៃ ចងដើម្បីពង្រីកប្រវែង និងចាក់ខ្លាញ់ចូលរាងកាយដើម្បីបង្កើនទំហំរបស់វា។ ប៉ុន្ដែអ្នកស្រី នៀរដូសហ៍ បាននិយាយថា គ្មានការចាក់បញ្ចូលសារធាតុណាទៅតំបន់លិង្គដែលមានសុវត្ថិភាពឡើយ ហើយព្រមានថា ការចាក់បញ្ជូលសារធាតុខ្លាញ់អាចនាំឲ្យលិង្គមានសភាពកំពីកកំពកដោយ អន្លើ។
អ្នកស្រី បានពន្យល់ថា៖ «ឧទាហរណ៍ ខ្លាញ់ដែលត្រូវបានបាញ់ចូលមិនជ្រាបសព្វល្អ ដូច្នេះទីកន្លែងឡើងក្រាស់ ហើយកន្លែងខ្លះស្ដើង។ ជាក់ស្ដែង ការប្រើខ្លាញ់អាចធ្វើឲ្យខុសសណ្ឋានដើម ដោយសារតែការជ្រាបចូលមិនសព្វសាច់»៕ HR www.postkmer.com