ខាងក្រោមនេះ គឺជាមុខងារអាថ៌កំបាំង ៤យ៉ាងដែលអ្នកប្រើភាគច្រើនប្រហែលមិនទាន់ដឹង៖
១) App Settings
តាបកំណត់ (setting tab) នេះអាចឱ្យអ្នកមើលឃើញ និងគ្រប់គ្រងទៅ លើ app ដែលអ្នកបានដំឡើង (install) ជាប់ជាមួយគណនី profile របស់អ្នក។ មុខងារនេះមានអត្ថប្រយោជន៍អាចឱ្យអ្នកគ្រប់គ្រង profile ខ្លួនអ្នក បញ្ចៀសពី app ដែលរំខានផ្សេងៗ (ពពួកហ្គេម Facebook) ឬ app ដែលអ្នកសង្ស័យថាជាមេរោគជាដើម។ ដើម្បីចូលមើលនូវ app ដែលបានភ្ជាប់ជាមួយគណនីរបស់អ្នក សូមចូលទៅ Account Settings → Apps រួចរកមើល app ដែលអ្នកយល់ថា គ្មានប្រយោជន៍ ហើយចង់លុបត្រូវចុចលើសញ្ញាខ្វែង (X) ដែលស្ថិតនៅផ្នែកខាងស្ដាំនៃ app។
២) Archive Facebook
នៅលើទំព័រ Account Settings ក៏មាននូវមុខងារអាថ៌កំបាំងផងដែរ ដែលអាចឱ្យអ្នកទាញយក (download) នូវ Wall Post ររបស់អ្នក អ្វីទាំងឡាយដែលអ្នកបាន Share ហើយនិងអាសយដ្ឋានអ៊ីមែលរបស់ friend ក៏បាន។ មុខងារនេះ ស្ថិតនៅក្នុងតាប General tab ដែលមាននៅលើ Account Settings ហើយស្ថិតក្រោម Language។ ប្រសិនកុំព្យូទ័ររបស់អ្នកចង់ backup ទិន្នន័យ Facebook របៀបនេះ ក៏អាចធ្វើបានផងដែរ។
៣) ប្ដូរឈ្មោះ Username តាមចិត្ត (Customize Username)
អ្នកអាចប្ដូរឈ្មោះ Username ដែលស្ថិតនៅពីក្រោយជាមួយអាសយដ្ឋាន Facebook បាន ឧទាហរណ៍ www.facebook.com/myprofile។ លក្ខណៈនេះគឺផ្ដល់សារប្រយោជន៍សម្រាប់វិស័យជំនួញ គឺកំណត់នូវឈ្មោះមួយជាក់លាក់ ជាមួយអាសយដ្ឋានស្មើនឹងឈ្មោះសំគាល់ (ID) ដើម្បីងាយស្រួលដល់គេស្វែងរកឆាប់រហ័ស។ ដើម្បីប្ដូរ Username ត្រូវចូលទៅ Account Settings ហើយនៅពីក្រោមតាប General tab សូមជ្រើសយក Edit រួចវាយបញ្ចូលឈ្មោះដែលអ្នកចង់បាន។ បញ្ជាក់៖ ការផ្លាស់ប្ដូរ Username អាចធ្វើឡើងបានតែម្ដងគត់នៅលើគណនីមួយ។
៤) Facebook email
តើអ្នកដឹងទេថា អ្នកអាចផ្ញើសារទៅអ្នកលេង Facebook បានពីគណនីអ៊ីមែលផ្សេងក្រៅពី Facebook នោះ? មុននឹងផ្ញើអ្នកត្រូវបញ្ចូលអាសយដ្ឋាន Facebook ឧទាហរណ៍ username@facebook.com ហើយវាយខ្លឹមសារដែលចង់ផ្ញើ នោះអ្នកនឹងអាចផ្ញើបានហើយ។ នេះគឺជាមុខងារល្អអស្ចារ្យមួយរបស់ Facebook ដែលអនុញ្ញាតឱ្យអ្នក អាចផ្ញើសារបានងាយ និងរហ័សទៅកាន់ friend ដោយមិនចាំបាច់ត្រូវតែបើក Facebook នោះឡើយ។