នេះជារបៀបដែលអ្នកអាចធ្វើការរក្សាទុកនូវ ប្រព័ន្ធប្រតិបត្តិការ វិនដូ ១០ ដោយឥតគិតថ្លៃដោយដៃរបស់អ្នកផ្ទាល់ មុនពេលដែល Microsoft ធ្វើការប្រកាសឲ្យប្រើប្រាស់ ជាផ្លូវការនៃវិនដូ ១០។ អ្នកប្រើប្រាស់មួយចំនួនធំដែលប្រើប្រាស់ប្រព័ន្ធប្រតិបត្តិការ Windows 7 និង Windows 8.1 បានទទួលបានការជូនដំណឹងពីក្រុមហ៊ុន Microsoft រួចមកហើយអំពី ការរក្សាច្បាប់ចម្លងនៃប្រព័ន្ធប្រតិបត្តិការ Windows 10 របស់ខ្លួនដែលនឹងចាប់ផ្តើមជាផ្លូវការនៅរដូវក្តៅនេះ។
ខាងក្រោមនេះជាការណែនាំលោកអ្នកឲ្យចេះអំពីរបៀប ទទួលបានច្បាប់ចម្លងដោយឥតគិតថ្លៃរបស់វីនដូ 10 ។
ចំណាំ: អ្នកចាំបាច់ត្រូវមានច្បាប់ចម្លងពិតប្រាកដ (real license key) របស់ប្រព័ន្ធប្រតិបត្តិការ Windows 7 / 8.1 ដើម្បីអាចធ្វើការអាប់ដែតទៅកាន់ ប្រព័ន្ធប្រតិបត្តិការ Windows 10 ច្បាប់ចម្លងដោយឥតគិតថ្លៃនេះ។
ជំហានទី 1: ប្រសិនបើអ្នកប្រើប្រាស់ Windows 7 នោះចាំបាច់ត្រូវតែមាន Service Pack 1 ដែលបានដំឡើងហើយ ឫ អ្នកអាចទាញយកវាដោយប្រព័ន្ធប្រតិបត្តិការ Windows ផ្ទាល់តែម្ដង។ ប្រសិនបើអ្នកកំពុងប្រើប្រព័ន្ធប្រតិបត្តិការ Windows 8,8.1 អ្នកត្រូវប្រាកដថាបានធ្វើឱ្យទាន់សម័យចុងក្រោយបំផុតនៃវិនដូ 8.1 ។
ចំណាំ៖ ដើម្បីធ្វើបានលុះត្រាតែវិនដូររបស់អ្នកបានធ្វើការអាប់ដែតមកដល់ជំនាន់ចុងក្រោយរបស់វិនដូរ ដែលមានលេខសំគាល់ KB3035583 ដែលជាការអាប់ដែតចុងក្រោយបំផុត។
ជំហានទី 2: នៅជ្រុងខាងស្តាំនៃថាសប្រព័ន្ធប្រតិបត្តិការ Windows, បន្ទាប់ពីអាប់ដែតឲ្យទាន់សម័យខែមីនារួច អ្នកគួរតែបានមើលឃើញរូបតំណាងថ្មីរបស់ Windows គឺ "Get Windows 10 ' សូមចុចលើវា។
ជំហានទី 3: នៅពេលដែលអ្នកចុចលើប្រអប់នោះហើយ អ្នកនឹងត្រូវបានស្វាគមន៍ជាមួយនិងការណែនាំអំពី របៀបទទួលបានប្រព័ន្ធប្រតិបត្តិការ Windows 10 ទៅឲ្យប្រព័ន្ធប្រតិបត្តិការ Windows 7 និងអ្នកប្រើ 8.1 ដោយឥតគិតថ្លៃ។ សូមធ្វើតាមការណែនាំនោះរហូតដល់អ្នកឈានដល់ចំនុច មួយចុងក្រោយដែលគេបានស្នើសុំអាសយដ្ឋានអ៊ីមែលរបស់អ្នក។
ជំហានទី 4: សូមបញ្ចូលអាសយដ្ឋានអ៊ីមែលរបស់អ្នក។ សូមឲ្យប្រាកដថាអ៊ីមែលនេះគឺអ៊ីមែលរផ្លូវការរបស់អ្នកព្រោះក្រុមហ៊ុនឹងធ្វើការទាក់ទងជាមួយអ្នកតាមរយៈអ៊ីមែលមួយនេះ។
ជំហានទី 5: ជាមួយអាសយដ្ឋានអ៊ីមែលដែលអ្នកបានបញ្ជូលរួចសូមចុចប៊ូតុង "Send confirmation ' ។
នៅពេលនោះប្រព័ន្ធប្រតិបត្តិការ Windows 10 នឹងធ្វើការទាញយកដោយស្វ័យប្រវត្តិសម្រាប់អ្នកតែម្ដងនៅផ្ទៃខាងក្រោយ នៃវិនដូរបស់អ្នក...ជាការស្រេច។
ដូចនេះអ្នកគ្រាន់តែរង់ចាំឲដល់ថ្ងៃទី 29 ខែកក្កដាដែលជា កាលបរិច្ឆេទ ដែលក្រុមហ៊ុន Microsoft នឹងចាប់ផ្តើមជាផ្លូវការនៃ ប្រព័ន្ធប្រតិបត្តិការ Windows 10។
អត្ថបទខាងលើគឺគ្រាន់តែជាការដាក់បង្ហាញរបស់ក្រុមហ៊ុន Microsoft ដើម្បីជាចំណាប់អារម្មណ៏មួយថ្មី និង ចង់ឲ្យអ្នកដែលប្រើប្រាស់វិនដូរចាស់ៗមកផ្លាស់ប្ដូរជាមួយនិង វិនដូថ្មីតែប៉ុណ្ណោះ។ ក្រុមហ៊ុនយក្សមួយនេះសង្ឃឹមថានឹងមាន Windows 10 ដែលនឹងរត់នៅលើកុំព្យូទ័រ 1 ពានលានគ្រឿងក្នុងរយៈពេលពីរទៅបីឆ្នាំខាងមុខ។
ពី everyday.com