ក្រៅពីអត្ថប្រយោជន៍នៃការសិក្សាស្រាវជ្រាវខាងលើដែលដឹកនាំដោយ វេជ្ជបណ្ឌិត Herman Avner Cohen មានអត្ថប្រយោជន៍៥ចំណុចផ្សេងទៀត ដែលទឹកឃ្មុំអាចជួយធ្វើឱ្យល្អប្រសើរដល់សុខភាព ៖
១- ព្យាបាលស្បែក ៖ រាល់របួសដែលកើតពីការរលាកឬកកិតឬក៏ដំបៅដែលកើតដោយសារកាំរស្មី ទាំងអស់នេះសុទ្ធតែឆ្លើយតបនឹងការជាសះស្បើយដោយលាបទឹកឃ្មុំ ។ អត្ថប្រយោជន៍បែបនេះក៏ព្រោះទឹកឃ្មុំមានផ្ទុកសារធាតុ Hydrogen Peroxide ។
២- បន្ថយការរមាស់ដោយមូសខាំ ៖ សមាសធាតុប្រឆាំងនឹងការរលាករបស់ទឹកឃ្មុំបានធ្វើឱ្យវាក្លាយជា ជម្រើសល្អមួយជួយបន្ថយការរមាស់និងបំបាត់ស្នាមមុខខាំ ។
៣- ជួយបង្កើនកម្លាំងប្រព័ន្ធការពាររាងកាយ ៖ ដោយសារទឹកឃ្មុំសម្បូរបែបទៅដោយសមាសធាតុ Polyphenols ដូច្នេះ វាមានសមត្ថភាពគ្រប់គ្រាន់ជួយការពារបណ្តាកោសិកាពីការបំផ្លាញ ដោយរ៉ាឌីកាល់សេរី ។ បន្ថែមពីលើនេះទៀត ជួយធ្វើឱ្យល្អប្រសើរដល់សុខភាពបេះដូងក៏ដូចជាការពារប្រឆាំង នឹងមហារីក ។
៤- ជំនួយដល់ការរំលាយអាហារ ៖ យោងតាមការសិក្សាស្រាវជ្រាវកាលពីឆ្នាំ២០០៦ដែលបានចុះផ្សាយនៅ ក្នុងព្រឹត្តិបត្រ BMC Complementary & Alternative Medicineបានបង្ហាញថា ការយកទឹកឃ្មុំទៅជំនួសស្ករក្នុងអាហារកែច្នៃរួច គឺអាចធ្វើឱ្យល្អប្រសើរដល់ពពួកអតិសុខុមកាយក្នុងពោះវៀន ។
៥- ជួយព្យាបាលរោគមុនលើផ្ទៃមុខ ទ្រូង និងខ្នង៖ យោងតាមការសិក្សាស្រាវជ្រាវបង្ហាញថា ទឹកឃ្មុំប្រភេទ Manuka និង Kanukaអាចព្យាបាលគ្រាប់មុនធំៗដោយប្រសិទ្ធភាព ៕