ពីមួយឆ្នាំទៅមួយឆ្នាំ ទូរស័ព្ទ iPhone ដែលបង្កើតដោយក្រុមហ៊ុន Apple គឺតែងតែមាន បំពាក់មុខងារថ្មីៗជានិច្ច ជាក់ស្តែង iPhone 6 និង iPhone 6 Plus វាបានបំពាក់នូវ ទ្រនាប់ NFC ដែលប្រើប្រាស់ សម្រាប់ បង់ប្រាក់ដោយ មិនចាំបាច់ ប្រើប្រាស់កាត ATM។ ទោះបីជា Apple ខិតខំស្វែងរក អ្វីដែលថ្មីៗ មកបំពាក់ លើទូរស័ព្ទខ្លួនក្តី ក៏ប៉ុន្តែយើង សង្កេតឃើញថា សមត្ថភាពរបស់វា គឺនៅមានដែនកំណត់ នៅឡើយទេ ប្រសិនបើយើង ប្រៀបធៀប ជាមួយនឹង ទូរស័ព្ទ Android។ ខាងក្រោមនេះ គឺជាលក្ខណៈពិសេសទាំង 8 របស់ទូរស័ព្ទ Android ប៉ុន្តែ iPhone វាមិនមាននោះទេ។
១. Android អាចអោយអ្នក បើកកម្មវិធីច្រើន ក្នុងពេលតែមួយបាន
ទូរស័ព្ទ Android មួយចំនួនអាចអោយអ្នក បើកកម្មវិធីច្រើន នៅលើផ្ទៃអេក្រង់ តែមួយក្នុងពេល ដំណាលគ្នាបាន ដូចទៅនឹង កុំព្យូទ័រដែរ ដែលធ្វើអោយការប្រើប្រាស់ កាន់តែមានភាពងាយស្រួល និងអាច បំពេញកិច្ចការងារ ផ្សេងៗបានកាន់តែ រហ័ស។ ប្រសិនបើទូរស័ព្ទអ្នក គ្មានមុខងារនេះ គ្រាន់តែដោនឡូដ កម្មវិធីនេះចេញពី Playstore គឺអាចប្រើ បានហើយ ។
២. ទូរស័ព្ទ Android ភាគច្រើនទាំងអស់ អាចប្រើខ្សែ USB និងឆ្នាំងសាកជាមួយគ្នា
ទោះបីជាទូរស័ព្ទ Android មានច្រើនម៉ាក ផលិតដោយក្រុមហ៊ុន ជាច្រើនក៏ដោយ ក៏ប៉ុន្តែវាសុទ្ធតែ អាចប្រើខ្សែ USB ជាមួយគ្នាបាន ខុសគ្នាពីទូរស័ព្ទ iPhone ដែលវាប្រើខ្សែ USB ប្រភេទ Lighting ផ្តាច់មុខគេ របស់ Apple។
៣. យើងអាចដោះថ្មទូរស័ព្ទបាន
ទូរស័ព្ទ Android ភាគច្រើនបំផុត សុទ្ធតែអាចអោយ អ្នកអាចដោះថ្ម ទូរស័ព្ទខាងក្រោយបាន ប្រសិនបើ អ្នកចង់ផ្លាស់ប្តូរថ្មី រឺក៏សំអាតទូរស័ព្ទ បន្ទាប់ពីវាធ្លាក់ចូល ទៅក្នុងទឹក។ ផ្ទុយទៅវិញ iPhone មិនអាច អោយអ្នកប្រើប្រាស់ដោះសន្ទះខាងក្រោយ ដើម្បីបើកយក ថ្មទូរស័ព្ទចេញបានទេ តាំងពី iPhone ស៊េរី ដំបូងមកម្ល៉េះ។
៤. អ្នកអាចបន្ថែមម៉េម៉ូរីកាត
ទូរស័ព្ទ Android ភាគច្រើនបំផុត សុទ្ធតែបង្កើតមក ដោយភ្ជាប់មកជាមួយរន្ធ បន្ថែមម៉េម៉ូរីកាត ខាងក្រៅបន្ថែមទៀត ប្រសិនបើអ្នកចង់ ផ្ទុកឯកសារបាន កាន់តែច្រើន។ ផ្ទុយទៅវិញ iPhone វាគ្មានរន្ធ សម្រាប់ដាក់ កាតម៉េមូរីនោះទេ ហើយអ្នកត្រូវចំណាយលុយ ជាច្រើន ដើម្បីបានអង្គផ្ទុកទិន្នន័យ ធំជាងមុន។
៥. អាចធ្វើការ កែសម្រួលបានយ៉ាង ងាយស្រួលបំផុត
យើងអាចធ្វើការ ផ្លាស់ប្តូរផ្ទៃអ៊ីនធឺហ្វេស ទូរស័ពយើងទាំងមូល បានយ៉ាងងាយស្រួល បំផុត ដោយធ្វើការផ្លាស់ប្តូរ Launcher, Wallpaper, បន្ថែម Widget និង ធ្វើការផ្លាស់ប្តូរស្តាយ Lockscreen ជាដើម។ ចុះសម្រាប់ iOS វិញ? វាអាចត្រឹមតែធ្វើការផ្លាស់ប្តូរ រូបភាពនៅផ្ទៃខាងក្រោយ (Wallpaper) ប៉ុណ្ណោះ។
៦. អាចដោនឡូដ កម្មវិធី និងហ្គេម ចេញពីវេបសាយនានា ហើយតម្លើងតែម្តង
ប្រសិនបើនៅក្នុង Playstore ដាក់លក់ ហ្គេម រឺក៏កម្មវិធីដ៏ពិសេសមួយ ដែលអ្នកមិនមាន សមត្ថភាពទិញនោះ អ្នកអាចស្វែងរកដោនឡូដវា ចេញពីវេបសាយ ហើយតម្លើងបាន យ៉ាងងាយស្រួល បំផុត ខុសពី iOS ដែលអ្នកមិនអាច យកកម្មវិធី ក្រៅពី Appstore មកតម្លើងបាន ដោយងាយស្រួល នោះទេ។
៧. ទូរស័ព្ទ Android មួយចំនួន អាចប្រើជាតេឡេបញ្ជាទូរទស្សន៍ ម៉ាស៊ីនត្រជាក់
កំពូលទូរស័ព្ទរបស់ Samsung, LG និង HTC សុទ្ធតែមានបំពាក់មកជាមួយនឹង រន្ធ Infrared Blaster ដែលអាចធ្វើការ បញ្ជាឧបករណ៍អេឡិចត្រូនិច មួយចំនួន បានយ៉ាង ងាយស្រួលបំផុត លែងត្រូវការ តេឡេបញ្ជាទៀតហើយ។ នេះគឺជាលក្ខណៈដ៏ពិសេសមួយ សម្រាប់ជីវិតប្រចាំ ថ្ងៃរបស់យើង។
៨. គ្រាន់តែយកដៃអូសពីលើចុះក្រោម អ្នកនឹងឃើញមុខងារ កែសម្រួល ជាច្រើន
ទូរស័ព្ទ Android អ្នកអាចធ្វើការ បិទបើកមុខងារជាច្រើន បានយ៉ាងលឿនបំផុត ដោយគ្រាន់តែ អូសពីលើ ចុះក្រោម។ ចុះសម្រាប់ iOS វិញ? នៅក្នុង Control Centre យើងអាចបិទបើកត្រឹម Wi-Fi, Bluetooth, Airplane Mode, Bluetooth, ពិល និង Do not Disturb ប៉ុណ្ណោះ។
ទាំងនេះ គ្រាន់តែជាមុខងារធំៗមួយចំនួន ដែលអ្នកប្រើប្រាស់ទូរស័ព្ទ Android ចូលចិត្តប្រើប្រាស់ និងមិនមាននៅលើ iOS ប៉ុណ្ណោះ ប៉ុន្តែវានៅមាន មុខងារជាច្រើនទៀតគួរអោយចាប់អារម្មណ៍។ សម្រាប់អ្នកចូលចិត្តមាន សេរីភាពក្នុងការប្រើប្រាស់ប្រាកដជា ជ្រើសរើសយកទូរស័ព្ទ Android លំដាប់កំពូល មួយចំនួនជាក់ជាមិនខាន ក៏ប៉ុន្តែប្រសិនបើអ្នកដែល ចូលចិត្តប្រើប្រាស់នូវអ្វី ដែលសាមញ្ញ នឹងមានភាពស្និទស្នាលនៅក្នុងដៃ នោះប្រហែលជា ទូរស័ព្ទរបស់ក្រុមហ៊ុន Apple ហើយ។