អគ្គនាយករងអាជ្ញាធរជាតិអប្សរាលោក តាន់ ប៊ុនស៊ុយ បានផ្ដល់បទសម្ភាសន៍ក្រោយពីធ្វើបទបង្ហាញនោះថា អ្នកបច្ចេកវិទ្យាបានរកឃើញរូបភាពទីក្រុងបុរាណដ៏អស្ចារ្យ នៅតំបន់អង្គរ ប្រព័ន្ធធារាសាស្ដ្រ ផ្លូវថ្នល់ នៅតំបន់ភ្នំគូលេន និងដីកសិកម្មបុរាណ ជាច្រើនទៀតនៅប្រាសាទកោះកេរិ៍ តាមបច្ចេកវិទ្យាទំនើប កាំរស្មី LiDAR ។ លោកបន្ដថា ការរកឃើញរូបភាពទាំងនោះក្នុងរយៈពេល៣ឆ្នាំ និងបានចំណាយថវិកា៧សែន៥ម៉ឺនដុល្លារ ។
បើតាមអាជ្ញាធរជាតិអប្សរាឲ្យដឹងថា ខ្លួននឹងសហការជាមួយស្ថាប័នពាក់ព័ន្ធជាតិ និងអន្ដរជាតិ ពង្រីកវិសាលភាព LiDAR ទៅតំបន់ប្រាសាទសំខាន់ៗ ចំនួន៤កន្លែងផ្សេងទៀត ដើម្បីស្រាវជ្រាវថតយករូបភាពពីសម័យបុរាណ រួមមានតំបន់លង្វែក ឧដុង្គ ប្រាសាទព្រះខ័នកំពង់ស្វាយ ប្រាសាទសម្បូរព្រៃគុប ខេត្ដកំពង់ធំ និងប្រាសាទបន្ទាយឆ្មារ ខេត្ដបន្ទាយមានជ័យ ចាប់ពីឆ្នាំ២០១៥ ដល់ឆ្នាំ២០២០ ដោយចំណាយថវិកាប្រមាណ៣លាន៥សែនយ៉ូរ៉ូ ៕
VOD