មេងប្រុសម្នាក់បានទទួលការកោតសរសើរ និងភ្ញាក់ផ្អើល ក្រោយបញ្ចប់ថ្នាក់មហាវិទ្យាល័យត្រឹមអាយុ១១ឆ្នាំកាលពីថ្ងៃពុធកន្លងទៅ។
ក្មេងប្រុសសញ្ជាតិអាមេរិក ដែលមានឈ្មោះ Tanishq Abraham បានបញ្ចប់ការសិក្សាពីសាកលវិទ្យាល័យ American River College នៃទីក្រុង Sacramento រដ្ឋ Califonia សហរដ្ឋអាមេរិក ដោយទទួលបានកម្រិតពិន្ទុ៤.០។
បើតាមម្ដាយរបស់ Tanishq Abraham បានប្រាប់សារព័ត៌មាន KCRA ថាកូនប្រុសរបស់ខ្លួនតែងតែរៀនពូកែជាងគេនៅក្នុងថ្នាក់ តាំងពីថ្នាក់មត្តេយ្យមកម្ល៉េះ។
ដោយឡែកចំពោះប្រវត្តិសិក្សារបស់កុមារា Abraham គឺនៅអាយុ៤ឆ្នាំ រូបគេ និងបងស្រី បានចូលរួមក្នុងសមាគម MENSA ដែលជាសមាគមអ្នកមានសមត្ថភាពគិត IQ ខ្ពស់ ហើយបានបញ្ចប់ថ្នាក់វិទ្យាល័យកាលពីឆ្នាំមុន ក្នុងអាយុ១០ឆ្នាំ។
បុគ្គលិកខាងសាកលវិទ្យាល័យ មិនទាន់បានបញ្ជាក់ថានេះជាកំណត់ត្រាក្មេងបំផុតប្រចាំប្រវត្តិសាលានេះទេ ប៉ុន្តែប្រាកដណាស់ថាជាកំណត់ត្រាក្មេងជាងគេប្រចាំឆ្នាំនេះ។
យោងតាមគណនីបណ្ដាញសង្គមផ្ទាល់ខ្លួន Abraham បាននិយាយថារូបគេចង់ក្លាយទៅជាវេជ្ជបណ្ឌិតនៅពេលអនាគត រួមទាំងជាអ្នកស្រាវជ្រាវផ្នែកវេជ្ជសាស្ត្រ និងចង់ក្លាយជាប្រធានាធិបតីសហរដ្ឋអាមេរិកផងដែរ៕
ដោយ Sabay.com.kh