ក្រោយពីការរួមរ័ក មានសេចក្តីសុខស្កប់ស្កល់ហើយនោះ ស្ត្រីមួយចំនួនមានអារម្មណ៍មួម៉ៅចំពោះគូស្នេហ៍របស់ខ្លួន ដែលតែងតែគេងលក់ ខណៈពេលដែលនាងនៅមានចំណង់ក្នុងកាមារម្មណ៍មិនទាន់បានដល់ត្រើយ។ ជាហេតុនាំឲ្យមានចម្ងល់ថា ហេតុអ្វីបុរសតែងគេងលក់ ឬងងុយគេងក្រោយបញ្ចប់កិច្ចរួមភេទ?
ការសិក្សាមួយដែលក្រុមអ្នកវេជ្ជសាស្ត្របានធ្វើការស្រាវជ្រាវ ដោយប្រើឧបករណ៍ស្កែនក្នុងការពិនិត្យខួរក្បាលរបស់បុរសៗ បានរកឃើញថា ក្រោយពេលដែលបុរសៗរួមរ័ក ឈាមដល់ចំណុចកំពូលហើយ ខួរក្បាលនៅផ្នែកដែលជាប់ពាក់ព័ន្ធជាមួយនឹងអារម្មណ៍ផ្លូវភេទ បានបញ្ជាមកឲ្យសម្រាកភ្លាម។ លើសពីនេះទៀត នៅពេលដែលចប់កិច្ចរួមភេទ មានបង្ហូរចេញនូវសារធាតុ សំខាន់ៗ ដូចជាអុកស៊ីតួស៊ីន និងសេរ៉ូថូនីន ដែលជួយកាត់បន្ថយភាពកង្វក់ខ្វល់ខ្វាយ ស្មុគស្មាញ ដែលកាន់តែធ្វើឲ្យភាគីបុរសៗលង់លក់កាន់តែស្រួលថែមទៀត។
ម្យ៉ាងវិញទៀត មានការសិក្សាស្រាវជ្រាវថ្មីមួយទៀត ក៏ស្របទៅនឹងការពិនិត្យសាកល្បងខាងលើនេះដែរ។ លទ្ធផលនៃការសិក្សានេះបានរកឃើញថាក្នុងចំណោមបុរស ១០០នាក់ គឺ ៨០នាក់ហើយ ដែលព្រមទទួលស្គាល់ថា ងងុយគេង ក្រោយពេល រួមរ័ករួច។ ផ្ទុយទៅវិញ សម្រាប់ស្ត្រី ក្រោយពេលធ្វើការរួមដំណេកជាមួយគូស្នេហ៍ហើយ មានភាពផ្សេងដោយឡែកពីបុរស ដោយពួកនាងអាចធ្វើការរួមរ័កបន្តទៀតបាន។ នៅពេលដែលដឹងយ៉ាងនេះហើយ បុរសមិនគួរប្រញាប់ឲ្យឈានដល់ចំណុចកំពូល ហើយបោះបង់នាងឲ្យនៅម្នាក់ឯង កណ្តោចកណ្តែងកណ្តាលផ្លូវ ដោយបន្សល់នៅអារម្មណ៍ ទើរកណ្តាលទីទេ គួរជួយឲ្យនាងដល់ត្រើយសុខផង...៕