ក្រុមហ៊ុន Google Facebook Microsoft និង Twitter ត្រៀម​ជួយ​ដល់ Apple បំបែក​ប្រព័ន្ធ​សុវត្ថិភាព​របស់ iOS ដើម្បី​បំពេញ​សំណូមពរ​របស់ FBI

ដូចដែលក្រុមការងារយើង​ បានលើកឡើងពី មុនមកហើយថា ក្រុមហ៊ុន Apple នឹងត្រូវតម្រូវឲ្យ បំបែកប្រព័ន្ធ សុវត្ថិភាពរបស់ខ្លួន តាមរយៈ មូលហេតុនេះ ។ បន្ទាប់ពីចំណាយពេល យ៉ាង​ច្រើន​កន្លង​មក​នេះ ក្រុមហ៊ុន Apple នៅ​តែ​មិន​ទាន់​ផ្តល់​ដំណោះ​ស្រាយ​ណា មួយ​សម្រាប់ FBI នៅ​ឡើយ​ទេ។ កាល​ពី​មុន​ក្រុម​ហ៊ុន នេះបានបង្ហាញពីគោលជំហ៊រ​របស់ខ្លួន ដែល​នឹង​ជួយ​គាំទ្រដល់ FBI ប៉ុន្តែក៏ត្រូវការពារ ប្រយោជន៍របស់ក្រុមហ៊ុនដូចគ្នា។ កន្លងទៅមួយរយៈធំ មក​ហើយ​ក៏​នៅ​តែ​គ្មាន ដំណោះស្រាយ ណាមួយដែលត្រូវ Apple ផ្តល់ឱ្យដល់ FBI ដដែល។

សម្រាប់ប្រទេសយើង ដូចជាមិនសូវមានការ ចាប់អារម្មណ៍ប៉ុន្មានទេ ប៉ុន្តែសម្រាប់ក្រុមហ៊ុនបួនធំៗដូចជា Google ,Facebook ,Twitter និង Microsoft វិញកំពុងតែ មានការចាប់អារម្មណ៍ ។ ដូចនេះ​ហើយ​ក្រុម​ហ៊ុន ទាំងនោះបានប្រកាស ថាពួកគេព្រមជួយ ក្រុមហ៊ុន Apple គ្រប់បែបយ៉ាង​។ គួរបញ្ជាក់ផងដែរថា Passcode របស់ iOS វាមានលក្ខណៈពិសេស និងមានសុវត្ថិភាពខ្ពស់ ហើយប្រសិនបើយើង បញ្ចូល​លេខ​សំងាត់ ខុសញឹកញាប់នោះ ឯកសារនានាដែល មាននៅក្នុងទូរស័ព្ទនោះនឹង​ ត្រូវលុបចោលដោយ ស្វ័យប្រវត្តិ។ ដូចច្នេះហើយ ពួកគេត្រូវប្រាកដថា ឯកសារដែលអាច ជាភ័ស្តុតាង នៅក្នុងទូរស័ព្ទនឹង មិន​ត្រូវ​បាត់​បង់នោះទេ។ តាមពិតទៅ ខណៈនេះក្រុមហ៊ុន Apple ក៏កំពុងព្យាយាមជួយ ផងដែរប៉ុន្តែវាហាក់ ដូច​ជា​ត្រូវការ ចំណាយពេលច្រើនទៀត។ អ្វីដែលសំខាន់នោះពេល នេះ Apple ត្រូវបានឃ្លាំមើលដោយ រដ្ឋាភិបាលថែមទៀតផង។

សម្រាប់ជំនួយរបស់ ក្រុមហ៊ុនធំៗទាំងបួន ខាងលើប្រហែលជា អាចជួយក្រុមហ៊ុន Apple បាន ។ ដូចនេះ​វា​ប្រហែលជា អាចចំណាយពេល តិចជាងមុនផងប្រសិនបើ Apple ទទួលនូវជំនួយនេះ។ ប៉ុន្តែមិនដឹងថា​តើ​ពួក​គេ អាចនឹងទទួលយក ជំនួយនេះឫក៏អត់?

ឧបត្ថម្ភដោយ

របៀប​មើល​អតចរិត​មនុស្ស​តាម​រយៈ​ក្រយៅមេដៃ​

ក្នុងការសិក្សាតាមបែប វិទ្យាសាស្រ្ដទំនើបមួយ ដែលគេហៅថា dermatoglyphic អាចធ្វើឲយើងអាចដឹងពីអត្តចរិក និងបុគ្គលិកលក្ខណៈ របស់យើងតាមរយៈស្នាមឆ្នូតៗនៅលើ ក្រយ៉ៅដៃរបស់យើងបាន។

– ឆ្នូតរង្វិលជុំ៖ អ្នកមានឆ្នូតក្រយ៉ៅដៃរបៀបនេះ ភាគច្រើនជាមនុស្សដែ លចូលចិត្ដជួយយកអាសារគេ ចិត្ដល្អ និងមានភាពរហ័សខា ងរាប់អានមិត្តភក្ដិថ្មី។ ពួកគេភាគច្រើនមានសុខភាពល្អ ទោះបីជាកាលពីតូចៗមក ឧស្សាហ៍មានជម្ងឺក៏ដោយ។ ម្យ៉ាងវិញទៀត មនុស្សក្រយ៉ៅដៃបែបនេះ មានចិត្តទន់ជ្រាយ និងមានការស្រមើស្រមៃខ្ពស់។

– ឆ្នូតខ្សែកោង៖ អ្នកមានឆ្នូតប្រភេទនេះ ភាគច្រើនជាមនុស្សមាន ថាមពលពោរពេញទៅដោយទំ នុកចិត្តលើខ្លួនឯងខ្ពស់ មិនទន់ជ្រាយ។ ពួកគេជាមនុស្សមាន ទេពកោសល្យ និងពូកែខាងធ្វើការងារអ្វីមួយ។ អ្វីដែលគេសម្រេចចិត្តធ្វើ ហើយគឺត្រូវតែធ្វើឲបាន ទោះបីជាមានការរារាំង យ៉ាងណាក៏ដោយ ក៏គេមិនប្ដូរចិត្ត។ ពួកគេចូលចិត្តសិល្បះព្រមទាំងមាន ភាពស្មោះត្រង់ជាមួយ មិត្តភក្ដិថែមទៀតផង។

– ឆ្នូតខ្យល់កួច៖ អ្នកមានឆ្នូតខ្យល់កួចភាគច្រើន ជាមនុស្សឆាប់ឆេវឆាវ។ ពួកគេមិនមានទំនុកចិត្ត លើខ្លួនគ្រប់គ្រាន់ ព្រមទាំងចូលចិត្តគិតច្រើន និងពូកែលាក់អារម្មណ៏មិនឲអ្នកណាដឹង។ ទោះជាដឹងរឿងអ្វីមួយហើយ ក៏ដោយក៏ពួកគេនៅ តែមានការសង្ស័យ គិតពីនេះពីនោះបែក ជាអូរហូរជាស្ទឹងមិនចេះចប់។

ពួកគេមានចរិតលក្ខណះមួយដ៏រញ៉េរញ៉ៃ សូម្បីតែពេលខ្លះក៏ពួកគេមិនយល់ពីខ្លួនពួកគេដែរ។

ប្រភព៖ 9gag

គ្មាន​ទេ​ប៊ូតុង​ Dislike សម្រាប់​ Facebook

ហ្វេ​ស​ប៊ុ​ក​ដែលជា​ក្រុមហ៊ុន​បណ្តាញ​សង្គម​ឈានមុខ​គេ បាន​បញ្ចេញ​ប៊ូ​តុង​បង្ហាញ​ពី​អារម្មណ៍​ថ្មី​បន្ថែមទៀត​ពីលើ​ប៊ូ​តុង «Like» ដែលមាន​ស្រាប់​។ ប៊ូ​តុង​ថ្មី​ទាំងនោះ រួមមាន Love, Haha, Wow, Sad និង Angry ដោយ​មិនមាន​ប៊ូ​តុង «Dislike» នោះឡើយ​។​

 

​ស្ថាបនិក​ហ្វេ​ស​ប៊ុ​ក លោក Mark Zuckerberg និង​ក្រុមការងារ​របស់គាត់ ធ្លាប់បាន​លើកឡើង​កន្ល​ង​មក​ថា ការដាក់​ឲ្យ​មាន​ប៊ូ​តុង «Dislike» អាច​បង្ក​ឲ្យ​មាន​ផល​អវិជ្ជមាន​។ ការបង្ហាញ​ពី​អារម្មណ៍ ស្រឡាញ់ ភ្ញាក់ផ្អើល ហួសចិត្ត ទុក្ខព្រួយ ប្រហែលជា​មិន​ចោទ​ជា​បញ្ហា​នោះឡើយ​។ អ្វីដែល​គួរ​ឲ្យ​កត់សម្គាល់​នោះ ប៊ូ​តុង «Angry» ពេលខ្លះ ក៏​អាច​ប្រើ​ជំនួស «Dislike» ផងដែរ​៕

លោក ហ៊ុន សែន ព្រមានផ្លាស់ប្តូររដ្ឋមន្រ្តីមួយចំនួននៅឆ្នាំនេះ

លោកនាយករដ្ឋមន្រ្តី ហ៊ុន សែន បានថ្លែងថាលោកកំពុងតែពិចារណាផ្លាស់ប្តូររដ្ឋមន្រ្តីមួយចំនួននៅឆ្នាំនេះ ដោយលោកបានរិះគន់រដ្ឋមន្រ្តីក្រសួងសាធារណការនិងរដ្ឋមន្រ្តីក្រសួងកសិកម្មថាជារដ្ឋមន្រ្តីធ្វើការយឺតយ៉ាវ​​។ក្នុងពិធីបិទសន្និបាតបូកសរុបការងាររបស់ក្រសួងមហាផ្ទៃ លោក ហ៊ុន សែន បានថ្លែងទៅកាន់ឧបនាយករដ្ឋ​មន្រ្តី រដ្ឋមន្រ្តី និងមន្រ្តីជាន់ខ្ពស់ផ្សេងទៀតថាក្រសួងសាធារណការនិងក្រសួងកសិកម្មស្ថិតនៅលំដាប់ថ្នាក់​ក្រោមគេបង្អស់នៃប្រសិទ្ធភាពការងារ។ លោកបានថ្លែងចំៗថាក្រសួងសាធារណមិនបានធ្វើការងារឲ្យបាន​លឿនជូនប្រជាពលរដ្ឋ។

លោកបានថ្លែងថា៖ “មើលមើល ឲ្យវិធានការឲ្យវាហ្មត់ចត់តិចមើល។ ខ្ញុំថាស្រែកអត់មានប្រណីទេ ព្រោះខ្ញុំមិនព្រមងាប់ជាមួយអស់លោកទេ។ ខ្ញុំនិយាយឲ្យប្រជាជនឭ។ ឲ្យខ្ញុំទ្រាំជាមួយអស់លោកម៉េចបានទៀត។ បើអស់លោកស្ទុយម្លឹងៗ។ អាឡានអត់មានស្អី អាស្អីក៏មិនដឹងជាស្អី រកយល់មិនបាន។  ដូចក្រសួងហ្នឹងមួយមិនធ្វើការហ្មង”។

លោក ហ៊ុន សែន បានលើកឡើងបែបនេះ ខណៈលោកលើកឡើងពីករណីដែលរថយន្តមួយគ្រឿងបានដឹក​លើសកំណត់ឆ្លងកាត់ស្ពានអ្នកលឿងហើយធ្វើឲ្យស្ពានខូច។ លោកបញ្ជាក់ថា៖ “ក្រសួងដែលស្ទក់ជាងគេ​គឺសាធារណការហ្នឹងហើយ ដែលការងារដែលត្រូវលឿនជាងគេ គាត់ស្ទក់ជាងគេទាំងអស់”។

ពេលលោក ហ៊ុន សែន ថ្លែងនោះ មិនមានវត្តមានរបស់រដ្ឋមន្រ្តីក្រសួងសាធារណការនិងដឹកជញ្ជូន លោក ត្រាំ អ៊ីវតឹក នោះទេ។ រដ្ឋមន្រ្តីក្រសួងកសិកម្ម លោក អ៊ុក រ៉ាប៊ុន មានវត្តមាននៅទីនោះ។

លោក ហ៊ុន សែន បានព្រមានថាអាចនឹងមានការដោះដូររដ្ឋមន្រ្តីនៅក្នុងឆ្នាំនេះ។ លោកមានប្រសាសន៍ថា៖ “ខ្ញុំកំពុងតែគិត ថាតើខ្ញុំនឹងដោះដូរគណៈរដ្ឋមន្រ្តីនៅក្នុងឆ្នាំនេះឬទេ។ ខ្ញុំកំពុងតែគិត។ ព្រោះបើទុកម្លឹងៗគឺមិនកើតទេ។ វាងាប់លើខ្ញុំ។ អាពាក្យគ្នាឯងៗហ្មឹង អាហ្នឹងគ្រោះថ្នាក់ដល់ខ្លួនឯងទៀត។ ចេះតែយោគយល់ ចេះតែយោគយល់ទៅ សណ្តោងទៅ អីផងទៅ។ ខ្ញុំកំពុងតែគិតម៉ោងហ្នឹង តើខ្ញុំនឹងផ្លាស់ប្តូរគណៈរដ្ឋមន្រ្តីនៅក្នុងឆ្នាំនេះឬអត់ ព្រោះវាលំបាកខ្ញុំដែរ”។

លោកបញ្ជាក់បន្ថែមថា៖ “ដល់ទៅពេលខ្ញុំលូកដៃទៅធ្វើ គេថាអំណាចនៅលើមនុស្សមួយនាក់…”។

វីអូឌីមិនទាន់អាចទាក់ទង​រដ្ឋមន្រ្តីក្រសួង​សាធារណការ​និងរដ្ឋមន្រ្តីក្រសួង​កសិកម្ម​បាន​ភ្លាមៗនៅឡើយទេ។​

ក្នុងពិធីសម្ពោធអគារថ្មីរបស់ក្រសួងបរិស្ថានដែលធ្វើឡើងនៅថ្ងៃនេះផងដែរ លោក ហ៊ុន សែន បានថ្លែងព្រមានទៅរដ្ឋមន្រ្តីទាំងអស់ថាកុំអោបអំណាចឬការគ្រប់គ្រងមកក្នុងក្រសួងរបស់ខ្លួនតែម្នាក់ឯង ដោយលោកបានកោតសរសើររដ្ឋមន្រ្តីក្រសួងបរិស្ថានថាជារដ្ឋមន្រ្តីតែមួយគត់ខុសគេ ក្នុងរយៈពេល៣០ឆ្នាំនៃដឹកនាំរបស់លោក។ លោកបានថ្លែងថាលោកសូមសរសើររដ្ឋមន្រ្តីថ្មីក្រសួងបរិស្ថាន លោក សាយ សំអាល់ ដែលជាកូនប្រុសរបស់លោក សាយ ឈុំ ប្រធានព្រឹទ្ធសភា ថាជារដ្ឋមន្រ្តីដែលបានស្នើរូបលោកផ្ទេរការងារមួយចំនួនទៅឲ្យក្រសួងផ្សេង។  លោកបន្តថាលោក សាយ សំអាល់ បានសុំបែងចែកការងារឲ្យដាច់ពីគ្នាគឺដីសម្រាប់អភិរក្សប្រគល់មកក្រសួងបរិស្ថាន ចំណែកដីសម្រាប់ដាំដុះការអភិវឌ្ឍ គឺប្រគល់ទៅក្រសួងកសិកម្ម រុក្ខាប្រមាញ់និងនេសាទវិញ។

លោកនាយករដ្ឋមន្រ្តីបន្ថែមថា៖ “ខ្ញុំសូមកោតសរសើរឯកឧត្តមសាយ សំអាល់ រដ្ឋមន្រ្តីក្រសួងបរិស្ថាន ដែលនេះជាលើកទីមួយក្នុងរយៈពេលជាង៣០ឆ្នាំនៃការគ្រប់គ្រងរដ្ឋាភិបាល គឺទើបតែមានរដ្ឋមន្រ្តីម្នាក់គត់ដែលបានស្នើសុំការងារខ្លួនទៅឲ្យស្ថាប័នផ្សេង។ ខ្ញុំមិនដែលជួបប្រទះនូវរដ្ឋមន្រ្តីណាមួយ ដែលមុននេះ គឺតែងតែស្រវាអោបទាញយកនូវអំណាចយកមកទុកក្នុងក្រសួងរបស់ខ្លួនជាប់ជានិច្ច ប៉ុន្តែរដ្ឋមន្រ្តីរូបនេះបែរជាធ្វើផ្ទុយពីនេះ គឺបានសេចក្តីថាចង់បែងចែកមុខងារឲ្យដាច់។ នេះជាកំណែទម្រង់ដែលខ្ញុំចង់បាន”។

នៅថ្ងៃនេះ លោក ហ៊ុន សែន ក៏បានសរសេរលើហ្វេសប៊ុកថាក្រសួងស្ថាប័ននិងអាជ្ញាធរពាក់ព័ន្ធគឺត្រូវធ្វើឲ្យបានលឿននិងតម្លាភាពក្នុងការបម្រើប្រជាពលរដ្ឋ។ លោកក៏បានស្តីបន្ទោសមន្រ្តីដែលលោកថាមិនបានដោះស្រាយសេវាតម្រូវការរបស់ប្រជាពលរដ្ឋ ដែលរួមមានការធ្វើសៀវភៅគ្រួសារនិងអត្តសញ្ញាណប័ណ្ណជាដើម។

លោកក៏បានរិះគន់ថាករណីប្លន់ជាមុខចោរដដែលៗ ដែលលោកថាក្រសួងនិងអាជ្ញាធរមានសមត្ថកិច្ចត្រូវតែមាន”វិធានការច្បាស់លាស់និងទទួលខុសត្រូវខ្ពស់បំផុត”។

អ្នកវិភាគឯករាជ្យ លោក អ៊ូ វីរៈ មានប្រសាសន៍ថា​ប្រសិន​បើ​មាន​ការ​ផ្លាស់ប្តូររដ្ឋមន្រ្តីមែន​ នឹង​​អាច​ទាញប្រជា​ប្រិយភាព​សម្រាប់​គណបក្ស​ប្រជាជនឡើងវិញ។ លោក​ក៏​បាន​ស្នើ​ឲ្យ​មាន​ការ​ពិនិត្យ​មើល​រដ្ឋមន្រ្តី​មួយចំនួ​នដែល​លោក​ថា​មាន​វ័យចំណាស់​និង​មិនមាន​គម្រោង​ធ្វើកំណែ​ទម្រង់​។​ លោក​លើក​ឧទាហរណ៍​ក្រសួង​មួយចំនួន ដូចជា​ក្រសួង​យុត្តិធម៌ ក្រសួងការបរទេស​និង​គណៈរដ្ឋមន្រ្តី​ជាដើម។​

លោក​បញ្ជាក់​ថា៖ “ប្រសិន​បើ​គាត់​អត់មាន​​ការផ្លាស់ប្តូរ ប្រជា​ពលរដ្ឋ​នឹង​អស់ជំនឿ​ បើសិន​ជា​គាត់ធ្វើ វាអាចជួយ​​ប្រជា​ពលរដ្ឋ​ទាំងមូល…ហើយ​អាច​ទាញប្រជា​ប្រិយភាព​បាន។ បើដោះដូរឥឡូវ ទើបមាន​ពេល​២ឆ្នាំ​ទៀត​​។​ បើ​ចាំ​តិច​ទៀត​ អាច​យូរពេក”៕​

ឧបត្ថម្ភដោយ

ចំនុច​សម្គាល់​របស់​មនុស្ស​ឆ្លាត​

ជា​ការ​ពិត​ណាស់​​មនុស្ស​ជាច្រើន​ ​មាន​ភាព​វៃឆ្លាត​តាំងពី​កំណើត​​មក​ម្ល៉េះ​​។ ប៉ុន្តែ​​យ៉ាងណាក៏ដោយ​ លក្ខណៈ​ពិសេស​ពី​កំណើត​មក​ទាន់​គ្រប់គ្រាន់​នៅ​ឡើយ​ទេ​។ មានន័យថា ​ដើម្បី​ក្លាយ​ជា​មនុស្ស​ឆ្លាតវៃ អ្នក​ត្រូវតែ​ចេះ​រៀបចំ​ឥរិយាបថ​សំខាន់ៗ​មួយ​ចំនួន​ ព្រោះថា រាល់​សកម្ម​ភាព​របស់​យើង​ តែង​ត្រូវ​បាន​វាយតម្លៃ​ដោយ​មនុស្ស​ជុំវិញ​ខ្លួន​​ថា យើង​ជា​មនុស្ស​បែប​ណា។ ​ខាង​ក្រោម​នេះ​ គឺ​ជា​ចំណុច​សំខាន់ៗ​មួយ​ចំនួន​ដែល​ធ្វើ​ឲ្យ​អ្នក​ក្លាយ​ជា​មនុស្ស​ឆ្លាត៖​​

១) ​ ដើរ​ក្នុង​ល្បឿន​មួយ​ដែល​ប្រហាក់ប្រហែល​អ្នកដទៃ​
​​បើ​យោង​តាម​​ការស្រាវជ្រាវ​របស់​លោក Carey Morewedge ​សាស្ត្រាចារ្យ​​សាកលវិទ្យាល័យ Boston​ បាន​បញ្ជាក់​ថា ល្បឿន​នៃ​ការ​ដើរ​របស់​មនុស្ស​ម្នាក់ៗ​ អាច​បង្ហាញ​ពី​ទឹកចិត្ត​របស់​ពួកគេ​បាន​។ ដូច្នេះ​ហើយ​ បើកាលណា​អ្នក​ដើរ​លឿន​ ឬ យឺត​ជាង​អ្នកដទៃ​​ក្នុង​ពេល​ដើរ​ជាមួយ​គ្នា​នោះ​ មនុស្ស​ភាគ​ច្រើន​យល់​ឃើញ​ថា អ្នក​ហាក់ដូចជា ​ល្ងីល្ងើ។

២) សរសេរ​យ៉ាង​សាមញ្ញៗ​
​​​វា​ពិត​ជា​មាន​សារៈសំខាន់​ខ្លាំង​ណាស់​ ក្នុង​ការ​សរសេរ​ឃ្លា ឬ ប្រយោគ​លើ​ប្រធាន​បទ​​អ្វី​មួយ ព្រោះ​ថា ​គោលបំណង​ធំ​បំផុត​ក្នុង​ការ​សរសេរ​គឺ​ធ្វើ​យ៉ាងណា​ឲ្យ​អ្នកអាន​អាច​យល់​អំពី​គោលបំណង​របស់​អ្នក​សរសេរ​។​ ប៉ុន្តែ​បើ​សរសេរ​វែង​ ហើយ​មាន​ពាក្យពេចន៍​ពិបាកៗ​ច្រើន​ពេក​ ប្រាកដ​ជា​ធ្វើ​ឲ្យ​អ្នក​អាន​ធុញ​ទ្រាន់​​។​ តាម​ការ​ស្រាវជ្រាវ​មួយ​ចំនួន​បង្ហាញ​ថា ​​​សរសេរ​អ្វីមួយ​យ៉ាង​សាមញ្ញ​សាមញ្ញ​​នោះ ត្រូវ​បាន​គេ​ចាត់​ទុក​ថា ជា​មនុស្ស​ឆ្លាត​។

៣) និយាយ​ច្បាស់ៗ​ និង មាន​​ថាមពល
​ក្នុង​ការសន្ទនា​គ្នា​ម្តងៗ​ ​មនុស្ស​តែង​មាន​លក្ខណៈ​នៃ​ការ​និយាយ​ផ្សេងៗ​គ្នា។ ​អ្នកខ្លះ​និយាយ​​អ្វីមួយ​ តែង​ធ្វើ​ឲ្យ​អ្នកដទៃ​ស្តាប់​ដោយ​យកចិត្ត​ទុកដាក់​ ខណៈ​អ្នក​ផ្សេង​វិញ​​តែង​ធ្វើ​ឲ្យ​អ្នក​ស្តាប់​មាន​ការ​​ធុញទ្រាន់​។ ​ដោយសារតែ​បែបនេះ​ហើយ​ ពេលខ្លះ​មនុស្ស​ពីរ​នាក់​ដែល​និយាយ​ឃ្លា​តែមួយ​ដូចគ្នា​សោះ​​ តែ​ទាក់ទាញ​ការចាប់អារម្មណ៍​ផ្សេង​ពី​គ្នា​ទៅវិញ​។ ​ដូច្នេះ​បើ​តាម​ការ​ស្រាវជ្រាវ​ អ្នក​ដែល​និយាយ​ច្បាស់ៗ​ និង ប្រកបដោយ​ថាមពល​​ ត្រូវ​បាន​គេ​ចាត់​ទុក​ថា ជា​មនុស្ស​ឆ្លាត។

​៤) សម្លឹង​ភ្នែក​ដៃគូ​ពេល​កំពុង​និយាយ​
​មាន​មនុស្ស​ជាច្រើន​នៅ​ពេល​ដែល​និយាយ​គ្នា​ម្តងៗ​ ហាក់​ដូចជា​មិន​ហាន​សម្លឹង​ចំមុខ​គ្នា​ប៉ុន្មាន​ទេ។ ការ​ធ្វើ​បែបនេះ​ ត្រូវ​បាន​គេ​ចាត់​ទុក​ថា ជា​មនុស្ស​ដែល​មិនទាន់​មាន​សេចក្តី​ក្លាហាន​​គ្រប់គ្រាន់​ក្នុង​ការ​ប្រាស្រ័យ​ទាក់ទង​។ ដូច្នេះ​ហើយ នៅ​ពេល​ដែល​អ្នក​ហាន​សម្លឹង​ចំ​ភ្នែក​ដៃគូ​ក្នុង​ពេល​សន្ទនា​ជាមួយ​គ្នា​នោះ គេ​ចាត់​ទុក​ថា ជា​មនុស្ស​ឆ្លាត​។

៥) ​ការ​ស្លៀកពាក់​សមសួន​​
ការ​ស្លៀកពាក់​ ក៏​ជា​ចំណុច​សំខាន់​ណាស់​ដែរ ព្រោះ​វា​បង្ហាញ​អំពី​អត្តចរិត​ និង សេចក្តី​ថ្លៃថ្នូរ​របស់​អ្នក​ផង​ដែរ​។​ ដូច្នេះ​ហើយ​ នៅ​ពេល​ដែល​អ្នក​ស្លៀកពាក់​មិនសូវ​សមរម្យ​ ឬ ខុស​គេ​ពេក​ ធ្វើ​ឲ្យ​គេ​វាយ​តម្លៃ​ថា អ្នក​គឺ​ជា​មនុស្ស​ដែល​មិនសូវ​ឆ្លាតវៃ​៕

​

វិធីសាស្ត្រ​រៀន​របស់​មនុស្ស​ឆ្លាត​

ការអាន​សៀវភៅ គឺ​ទទួលបាន​ចំណេះដឹង​ច្រើន បង្កើន​ប្រាជ្ញា​ស្មារតី គិត​បាន​ស៊ីជម្រៅ និង​ជាការ​ស្វែងយល់​នូវ​អ្វី​ថ្មីៗ​បន្ថែមទៀត​។ មាន​មនុស្ស​មួយចំនួន​ខំ​អាន​សៀវភៅ ព្យាយាម​ទន្ទេញមេរៀន​អស់​រយៈពេល​ជាច្រើន​ម៉ោង​ក្នុង​មួយថ្ងៃៗ តែ​មិន​ទទួលបាន​ចំណេះ​ច្រើន និង​ចងចាំ​បាន​ច្រើន​នោះទេ​។ តើ​គួរ​ធ្វើ​ដោយ​របៀប​ណា ទើប​អាច​ដោះស្រាយ​បញ្ហា​ទាំងនេះ​បាន​?

១) ទីកន្លែង​៖  ប្រសិនបើ​នៅក្នុង​បន្ទប់ អ្នក​គួររៀបចំ​បន្ទប់​ឲ្យ​មាន​របៀប ឲ្យ​បាន​ស្អាត មាន​ខ្យល់​ចេញចូល មាន​ពន្លឺ​គ្រប់គ្រាន់ និង​គ្មាន​សំឡេង​ខាងក្រៅ​មក​រំខាន​។ ល​។ ប្រសិនបើ​នៅ​ខាងក្រៅ​វិញ អ្នក​គួរ​ជ្រើសរើស​កន្លែង​ដែលមាន​បរិយាកាស​បរិ​សុទ្ធ មាន​ខ្យល់​ត្រជាក់​បក់​រំភើយៗ និង​ជា​កន្លែង​ដែល​គ្មាន​សំឡេង​រំខាន គ្មាន​មនុស្ស​ដើរ​ឆ្លងកាត់​ចេញចូល​នោះទេ​។ ការធ្វើបែបនេះ​អាច​បង្កលក្ខណៈ​ងាយស្រួល និង​ធ្វើ​ឲ្យ​អ្នកមាន​អារម្មណ៍​នឹងធឹង​ក្នុង​ការអាន​សៀវភៅ ឬ​ទន្ទេញមេរៀន​បានល្អ​។ 

២) ពេលវេលា​៖ ពេលវេលា​ដែល​ល្អ​បំផុត​សម្រាប់​អាន​សៀវភៅ និង​ទន្ទេញមេរៀន​ឲ្យ​ឆាប់​ចាំ គឺ​នៅពេល​ភ្លឺ​ស្រាងៗ​ (​ជិត​ព្រឹក​) ព្រោះ​រាងកាយ​មាន​ថាមពល​ពេញលេញ មាន​អារម្មណ៍​ស្រស់ថ្លា ខួរក្បាល​ឆាប់​ចាប់​ឬ​ទទួលបាន​ច្រើន ដោយសារ​រាងកាយ​របស់​អ្នក​បាន​សម្រាក​គ្រប់គ្រាន់​នៅពេល​យប់​។  

៣) ចំណង់​ចំណូលចិត្ត​៖ មាន​មនុស្ស​មួយចំនួន ចូលចិត្ត​ភាពស្ងប់ស្ងាត់​ក្នុង​ការអាន​សៀវភៅ​។ រីឯ មនុស្ស​មួយចំនួនទៀត នៅពេល​អាន​សៀវភៅ​ម្តងៗ គឺ​ចូលចិត្ត​ស្តាប់​ចង្វាក់ភ្លេង​តិចៗ​តាម​ចំណង់​របស់​ពួកគេ​។ អាន​សៀវភៅ​បណ្តើរ ស្តាប់​ចង្វាក់ភ្លេង​តិចៗ​បណ្តើរ គឺ​ធ្វើ​ឲ្យ​ពួកគេ​មាន​អារម្មណ៍ល្អ​ក្នុង​ការអាន​សៀវភៅ​។ 

៤) ភ្នែក​សម្រាក​បន្តិច​៖ ជាជម្រើស​មួយ​ដ៏​ល្អ យ៉ាងហោចណាស់​រៀងរាល់​៣០​នាទី អ្នក​គួរតែ​ឲ្យ​ភ្នែក​បាន​សម្រាក​ម្តង ព្រោះ​នៅពេល​អ្នក​ខំប្រឹង​មើល ឬ​សម្លឹងមើល​ខ្លាំងពេក ធ្វើ​ឲ្យ​សាច់ដុំ​ភ្នែក​របស់​អ្នក​ខំប្រឹង​សម្លឹង​ខ្លាំង​រហូត​ធ្វើ​ឲ្យ​ឈឺភ្នែក និង​ធ្វើ​ឲ្យ​ហូរ​ទឹកភ្នែក​ក៏មាន​។ ដូច្នេះ រៀង​រាស់​៣០​នាទី​ត្រូវ​សម្រាក​ភ្នែក​ឲ្យ​បាន​៣-៥​នាទី ដោយ​មើលទៅ​ទី​ឆ្ងាយ ឬ​មើលទៅ​បរិយាកាស​ដែលមាន​ដើមឈើ​ខៀវស្រងាត់​។ ល​។ វិធី​ម្យ៉ាងទៀត អ្នក​ត្រូវយក​កំណាត់​ជ្រលក់​ទឹក​សើម​តិចៗ​មក​ស្អំ​ឬ​ផ្តិត​ភ្នែក​តិចៗ ឬក៏​យក​ទឹក​មក​លុប​លាងមុខ​ក៏បាន​ដែរ ដើម្បី​ជួយ​កាត់បន្ថយ​ការ​ងុ​យ​ដេក ឬ​ស្រវាំងភ្នែក​។

៥) សង្ខេបខ្លឹមសារមេរៀន៖ នៅពេលអ្នកអានមិនប្រាកដថា អ្នកអាចអានចាំបានទាំងអស់នោះទេ។ ដូច្នេះ ពេលអានដល់ចំណុចដែលអ្នកគិតថាសំខាន់ អ្នកត្រូវគូសចំណាំ ឬកត់ត្រាទុកក្នុងកូនសៀវភៅដៃរបស់អ្នក ដើម្បីរម្លឹកវាឡើងវិញ។ វិធីសាស្រ្តនេះ គឺជាគន្លឹះមួយដ៏សំខាន់ដែលអ្នកអានសៀវភៅមិនដែលមើលរំលងឡើយ៕ 

កត្តា​ដែល​​ធ្វើឲ្យ​ស្ត្រី​ពរ​ពោះបាន​កូនស្រី​ភ្លោះ​

ការ​មាន​ផ្ទៃពោះ គឺជា​ដំណាក់កាល​សំខាន់​បំផុត​សម្រាប់​ជីវិត​គូរ​ស្វាមីភរិយា​ទាំងឡាយ ។ ការ​មាន​កូន​តាម​ប្រាថ្នា គឺជា​ជម្រើស​ដ៏​ឆ្លាត​វ័យ​មួយ​។ ទន្ទឹមនឹងនេះ ជាមួយនឹង​បច្ចេកវិទ្យា​ដ៏​ទំនើប​នា​សម័យ​បច្ចុប្បន្ននេះ អ្នក​ក៏​អាច​កំណត់​យក​កូន​ប្រុស​ឬ​ស្រី ឬក៏​ភ្លោះ​តែ​ម្តង​ក៏​បាន​ដែរ​។ តែ​អ្នក​មាន​ដឹង​ទេ​ថា វា​ក៏​អាច​ទៅរួច​ដែរ សម្រាប់​ស្ត្រី​ក្នុងកា​រពរ​ពោះ​កូនភ្លោះ​ស្រី​បាន​សម្រេច​តាម​ធម្មជាតិ ដោយ​មិន​ចាំបាច់​ប្រើ​នូវ​ជំនួយ​វេជ្ជសាស្ត្រ​សិប្បនិម្មិត​នេះ ? 

​កត្តា​ហ្សែ​ន​
​ប្រសិន​បើ​ស្ត្រី មាន​ហ្សែ​ន​កំណត់​ប្រភេទ​នេះ នោះ​វា​ជា​កត្តា​តំណរ​ពូជ នៃ​ការ​ពរ​ពោះ​កូនភ្លោះ​គឺ​ហាក់​មាន​ភាពងាយស្រួល​បំផុត​សម្រាប់​នាង ។ ចំណុច​នេះ គឺ​តែង​កើតមាន​នៅពេល ដែល​នាង​មាន​សមាជិក​ក្នុង​ក្រុមគ្រួសារ ឬ​សាច់ញាតិ​ជា​កូនភ្លោះ ។ នៅក្នុង​ករណី​នេះ ចំនួន​ប្រូ​បាប នៃ​ការ​ពរ​ពោះ​កូនភ្លោះ​តាម​ធម្មជាតិ គឺ​មាន​អត្រា​ខ្ពស់បំផុត ។ អ្វី​ដែល​អ្នក​ត្រូវ​ធ្វើ គឺ​គ្រាន់តែ​អនុវត្ត​តាម​ដំណាក់កាល​ណែនាំ ខាងក្រោម​នេះ​ប៉ុណ្ណោះ ដើម្បី​បង្កើន​ឱកាស​នៃ​ការ​ពរ​ពោះ​កូនភ្លោះ​នេះ ឲ្យបាន​អត្រា​ភាគរយ​កាន់តែ​ខ្ពស់ ។​

​កត្តា​ទម្ងន់ និង អាយុ​
​ចំពោះ​ស្ត្រី​ដែល​លើស​ទម្ងន់ នឹង​មាន​ការផលិត​អរ​ម៉ូ​ន​យ៉ាងច្រើន​នៅក្នុង​រាងកាយ ដែល​នឹង​ជួយ​បង្កើន​ឱកាស​នៃ​ការ​ពរ​ពោះ​កូនភ្លោះ​នេះ ឲ្យបាន​កាន់តែ​ជោគជ័យ​។ ប៉ុន្តែ​ការ​លើស​ទម្ងន់ ក្នុងអំឡុងពេល ឬ​ក្នុង​ដំណាក់កាល​ត្រៀម​ក្នុង​ការបង្ក​កំណើត ក៏​ផ្តល់​ជា​គុណវិបត្តិ​ដល់​ស្ត្រី​វិញ​បាន​ផងដែរ ។​

​មេ​ជីវិត​ឈ្មោល​របស់​បុរស ធ្វើការ​ហែល​យ៉ាង​លឿន ហើយ​អាច​រស់នៅ​ក្នុង​រាងកាយ​មនុស្ស​ស្រី​បាន​ត្រឹម​តែ​រយៈពេល ២៤​ម៉ោង​ប៉ុណ្ណោះ ផ្ទុយ​ពី​មេ​ជីវិត​ញី​ដែល​អាច​រស់នៅ​ក្នុង​រាងកាយ​បាន​ដល់​ទៅ ៧២​ម៉ោង​។ ដូច្នេះ ដំណើរការ​នៃ​ការ​រួមភេទ​គួរ​កើតមាន ក្នុង​រយៈពេល​ពីរ​ទៅ​បី​ថ្ងៃ មុន​ពេល​ធ្លាក់​ពង​មេ​ជីវិត​ញី ។ រយៈពេល​នេះ​គឹ​នឹង​ផ្តល់​ឱកាស​ទុកឲ្យ មេ​ជីវិត​ញី​រង់ចាំ​ទទួលយក​មេ​ជីវិត​ឈ្មោល​ដែល​ពេញលក្ខណៈ និង​អាច​ធ្វើ​ការបង្ក​កំណើត​ជាមួយគ្នា​បាន ។ បន្ទាប់ពីនោះ​មក គឺ​មេ​ជីវិត​ឈ្មោល​ដែល​នៅសល់​នឹង​ស្លាប់ ហើយ​គឺ​មានតែ​មេ​ជីវិត​ញី​ប៉ុណ្ណោះ ដែល​នឹង​រស់នៅ​រីក​ធំ​ធាត់​ក្លាយ​ជា​គភ៌​។​

​បរិស្ថាន​អាស៊ីត​
​មេ​ជីវិត​ញី គឺ​រស់នៅ​ក្នុង​បរិស្ថាន​អាស៊ី​ត​។ ដូច្នេះ​ការបរិភោគ​អាហារ​ដែល​មាន​ជាតិ​ហ្វូ​លិក អាស៊ីត​មុន​ថ្ងៃ​បង្ក​កំណើត គឺ​នឹង​បង្កើន​ឱកាស​នៃ​ការ​ពរ​ពោះ​កូនស្រី ហើយ​វា​ក៏​នឹង​ជួយ​បន្ថយ អត្រា​ស្លាប់​របស់​មេ​ជីវិត​ញី ដែល​នឹង​ជួយ​ឲ្យមាន​កំណើត​ជា​កូនភ្លោះ​ស្រី​បាន​ផង​ដែរ ៕

ហេតុ​ផល​ដែល​អ្នក​គួរ​ឈប់​ញ៉ាំ​ស្រា​

 ​ការ​ចំណាយពេល​ជប់លៀង​នៅ​ថ្ងៃ​ចុង​សប្តាហ៍​ពិតជា​រឿង​មួយ​ធម្មតា​ទេ តែ​តើ​វា​នឹង​មានរឿង​អ្វី​កើត​ឡើងទៅ​នៅពេលដែល​អ្នក​បាន​ញ៉ាំ​គ្រឿង​ស្រវឹង​រួច ហើយ​ការ​ញ៉ាំ​នោះ​ក្លាយទៅជា​ទម្លាប់​ប្រចាំថ្ងៃ​? ខាងក្រោម​នេះ​គឺជា​ហេតុផល​មួយចំនួន​ដែល​វា​អាច​នឹង​កើតមាន​បើសិនជា​អ្នក​ញ៉ាំ​គ្រឿង​ស្រវឹង​។ 

 

​អសមត្ថភាព​ផ្លូវភេទ​

​គ្រឿង​ស្រវឹង​នឹង​ទៅ​រំខាន​លំហូរ​ឈាម​ទៅ​ប្រដាប់ភេទ ហើយក៏​ទប់ស្កាត់​ផ្នែក​ផ្សេងៗ​នៃ​ប្រព័ន្ធ​សរសៃប្រសាទ​កុំ​ឲ្យ​មាន​សម្រើប​ផ្លូវភេទ​ដែរ​។ 

 

​បាត់​ការចងចាំ​

​អ្នកញៀន​នឹង​គ្រឿង​ស្រវឹង​ច្រើនតែ​បាត់បង់​ការចងចាំ​ជា​បណ្តោះអាសន្ន​។ ការសិក្សា​ដែល​បាន​ចុះផ្សាយ​ក្នុង​សារព័ត៌មាន International Journal of Environmental Research and Public Health និយាយថា កា​រល​ណា​មាន​ជាតិពុល​ដោយសារ​គ្រឿង​ស្រវឹង​កាន់តែ​យូរ​វា​នឹងធ្វើ​ឲ្យ​បាត់បង់​ការចងចាំ​កាន់តែច្រើន​ដែរ​។ 

 

​ជំងឺ​បេះដូង​

​ការ​ញ៉ាំ​គ្រឿង​ស្រវឹង​ក្នុង​កម្រិត​មធ្យម​មាន​ផល​ល្អ​ចំពោះ​បេះដូង ប៉ុន្តែ​ការ​ញ៉ាំ​ច្រើន​ជ្រុល​អាច​ប្រឈម​នឹង​ជំងឺ​បេះដូង​ទៅវិញ​ទេ​។ គ្រឿ​ស្រវឹង​ត្រូវបាន​គេ​ដឹងថា​មាន​ឥទ្ធិពល​ទៅលើ​សម្ពាធ​ឈាម ដែល​នាំ​កើត​ជំងឺ​លើស​សម្ពាធ​ឈាម ប្រឈម​កាន់តែខ្លាំង​នឹង​ជំងឺ​បេះដូង និង​ដាច់​សរសៃឈាម​ខួរក្បាល​។ ជាមួយគ្នានេះដែរ គ្រឿង​ស្រវឹង​នឹងធ្វើ​ឲ្យ​សាច់ដុំ​បេះដូង​ខ្សោយ ដូច្នេះ​បេះដូង​កាន់តែ​ពិបាក​ច្របាច់​ឈាម​។ 

 

​មហារីក​

​រាងកាយ​នឹង​ប្រែក្លាយ​គ្រឿង​ស្រវឹង​ដែល​ញ៉ាំ​ច្រើន​នោះ​ទៅជា​ភ្នាក់ងារ​បង្ក​មហារីក​ដែល​ហៅថា Acetaldehyde​។ គ្រឿង​ស្រវឹង​មាន​ទំនាក់ទំនង​គ្នា​នឹង​មហារីក​ខុសៗ​គ្នា​ជាច្រើន​ដូចជា មហារីក​ថ្លើម មហារីក​មាត់ មហារីក​បំពង់ក មហារីក​បំពង់​សម្លេង មហារីក​ពោះវៀនធំ ចុង​ពោះវៀនធំ និង​មហារីក​សុដន់​ធំ​។ 

 

​គ្រោះថ្នាក់​ចរាចរណ៍​

​កាលណា​អ្នក​ញ៉ាំ​គ្រឿង​ស្រវឹង​កាន់តែច្រើន​ក្នុងពេល​តែមួយ វា​នឹង​អាច​យក​ជីវិត​អ្នក​បាន​។ ការបើកបរ​ទាំង​ខ្លួន​ស្រវឹង​នឹងធ្វើ​ឲ្យ​មាន​គ្រោះថ្នាក់​ច​រា​ចារ​ណ៍ ព្រោះតែ​បាត់បង់​អារម្មណ៍​ក្នុងការ​គ្រប់គ្រង​យាន្ត​ជំនិះ​។ 

 

​ល្មើសច្បាប់​

​យើងទាំងអស់គ្នា​សុទ្ធតែ​ដឹង​ពាក្យស្លោក​និយាយថា បើ​ស្រវឹង​កុំ​បើកបរ ឬ​បើកបរ​ដោយ​ការទទួលខុសត្រូវ​។ ដូច្នេះ​បើសិនជា​អ្នកបើកបរ​ទាំង​ខ្លួន​ស្រវឹង នោះ​វា​មិនមែន​ត្រឹមតែ​ជា​ការមិន​ទទួលខុសត្រូវ​ទេ តែ​ក៏​ខុសច្បាប់​ផងដែរ​។ ហើយ​អ្នកនឹង​ត្រូវ​រង​ពិន័យ​ជា​ទឹកប្រាក់​យ៉ាងធ្ងន់ធ្ងរ​ទៀតផង​។ 

 

​បង្ក​ហិង្សា​

​គ្រឿង​ស្រវឹង​វា​នឹងធ្វើ​ឲ្យ​អ្នកមាន​ហេតុផល​ច្រើន ដូច្នេះ​វា​អាច​នឹង​ក្លាយទៅជា​ទម្លាប់​មួយ​ឈ្លោះប្រកែក​គ្នា​ដោយសារតែ​ហេតុផល​មិនអាច​ទទួលយកបាន និង​បង្ក​ហិង្សា​ទៀតផង​។ 

 

​ការ​ញ៉ាំ​គ្រឿង​ស្រវឹង​ក៏​អាច​ក្លាយទៅជា​អំពើហិង្សា​ក្នុង​គ្រួសារ​ផងដែរ​។ 

​ស្លាប់​

​ចំណុច​មួយ​នេះ​ចង់​សំដៅ​ទៅលើ​ហេតុផល​ពីមុនៗ​ទាំងអស់ ព្រោះ​វា​អាច​នឹងធ្វើ​ឲ្យ​អ្នក​ញ៉ាំ​ស្លាប់​បាន​។ អ្នក​អាច​នឹង​ស្លាប់​ដោយសារតែ​មហារីក ជំងឺ​បេះដូង ឬ​បាត់បង់​ម្ចាស់ការ​ក្នុងពេល​បើក​យាន្ត​ជំនិះ​។ 

ការ​ប៉ុនប៉ង​របស់​រដ្ឋាភិបាល​អាមេរិក​ក្នុង​ការ​បង្ខំ​ឲ្យ​ក្រុម​ហ៊ុន​ Apple ដោះ​លេខ​កូត​ទូរស័ព្ទiPhone បាន​វិល​ទៅ​តុលាការ​វិញ​

ការ​តតាំង​រវាងក្រសួង​យុត្តិធម៌​អាមេរិក​និង​ក្រុមហ៊ុន​ Apple បាន​វិល​ត្រឡប់​ទៅ​បន្ទប់​សវនាការ​តុលាការ​សហព័ន្ធ​វិញ​ហើយ​នៅ​ថ្ងៃ​ច័ន្ទ​នេះ នៅ​ពេល​ដែល​រដ្ឋាភិបាល ព្យាយាម​ឲ្យ​ក្រុម​ហ៊ុន ផលិត​ទូរស័ព្ទ​ iPhone នេះ អនុលោម​តាម​បទ​បញ្ជា​មួយ ដើម្បី​ជួយ​ឲ្យ​ខ្លួន អាច​ដោះ​លេខ​កូត​ទូរស័ព្ទ​ដៃ​របស់​ជនល្មើស ​ដែល​បាន​បាញ់​ប្រហារ​សម្លាប់​មនុស្ស​អស់​ជាច្រើន​នាក់​នោះ។

ចៅ​ក្រម​ម្នាក់​និយាយ​កាល​ពី​សប្ដាហ៍​មុន​ថា ក្រុមហ៊ុន Apple ត្រូវ​តែ​ផ្ដល់​កម្មវិធី software ដើម្បី​អនុញ្ញាត​ឲ្យ​ការិយាល័យ​ស៊ើប​អង្កេត​សហព័ន្ធ ឬFBI អាច​រាវរក​លេខ​កូដ​សម្ងាត់ ទូរស័ព្ទ iPhone មួយ​គ្រឿង ដែល​និយោជក​មួយ​បាន​ឲ្យ​ទៅ​បុគ្គលិក​របស់​ខ្លួន​ឈ្មោះ Syed Rizwan Farook មុន​ពេល​ដែលជន​នេះ និង​ប្រពន្ធ​របស់​គាត់​ឈ្មោះ Tafsheen Malik បាន​សម្លាប់​មនុស្ស​អស់​១៤​នាក់ នៅ​ក្រុង San Bernardino រដ្ឋ​កាលីហ្វ័រញ៉ា កាល​ពី​ឆ្នាំ​មុន។

ប៉ុន្តែ ក្រុមហ៊ុន Apple បាន​ប្រកែក​ មិន​ធ្វើ​តាម អ្វី​ដែល​ខ្លួន​ហៅ​ថា ជា​បទបញ្ជា​ ដែល​គេ​មិន​នឹង​ស្មាន​ដល់ ដោយ​សារ​ក្រុមហ៊ុន​ និយាយ​ថា ការ​ធ្វើ​បែប​នេះ អាច​បង្ក​ហានិភ័យ​ដល់​អតិថិជន​របស់​ខ្លួន​ ដែល​ប្រើប្រាស់​ទូរស័ព្ទiPhone៕

ឧបត្ថម្ភដោយ

តើ​ដំឡូង​បារាំង​អាច​ដាំ​ដុះ​លើ​ភព​ព្រះ​អង្គារ​ដែរ​ឬទេ​?

កំឡុង​ខែ​ក្រោយ​នេះ ក្រុម​អ្នកវិទ្យាសាស្ត្រ របស់​អង្គការ​អវកាស​អាមេរិក​NASA​នឹង​ធ្វើ​ការស្នើ​សុំ​ប្រទេស​ប៉េ​រូ ក្នុង​ស្វែងរក​និង​ជ្រើសរើស​ប្រភេទ​មើម​ឈើ ដែល​អាច​មាន លទ្ធភាព​ក្នុង​ការលូតលាស់ នៅ​លើ​ភព​អង្គារ​បាន​។​

​អង្គារ​NASA​នឹង​ធ្វើ​ការពិសោធន៍ ជា​លើក​ដំបូង​បង្អស់​ក្នុង​ប្រវិត្តសាស្ត្រ រួម​ជាមួយនឹង​ក្រុម​អ្នកវិទ្យាសាស្ត្រ មក​ពី​មជ្ឈមណ្ឌល​ដំឡូង​អន្តរជាតិ​នៅ​​ក្នុង​ទីក្រុង Lima​ហៅ​កាត់​ថា CIP​។​ពួកគេ​នឹង​ចាប់ផ្តើម ធ្វើការ​បណ្តុះ​ទៅលើ​ប្រភេទ មើម​រុក្ខជាតិ​ជាច្រើន​រយ​ប្រភេទ ដោយ​ប្រើប្រាស់​លក្ខខណ្ឌ បច្ចេកទេស​យ៉ាង​ម៉ត់ចត់ បំផុត​មួយ​ដែល​ស្រដៀង ទៅ​នឹង​បរិយាកាស​និង​លក្ខខណ្ឌ​នៅ​ក្នុង​ភព​ព្រះ​អង្គារ ហើយ​វា​នឹង​ត្រួសត្រាយ​ក្នុង​ការនាំយក ការដាំដុះ​ដំណាំ​និង បន្លែ​ទៅកាន់​ភព​ក្រហម​មួយ​នេះ​។​

​ក្នុងចំណោម​៤.៥០០ មើម​ឈើ​ដែល​បាន​ចុះឈ្មោះ ក្នុង​បញ្ជី​របស់​CIP​មាន​៤០​ប្រភេទ ដែល​លូតលាស់​ក្នុង​តំបន់​ភ្នំ Andes វា​អាច​លូតលាស់​ក្នុង លក្ខខណ្ឌ​ប្រព័ន្ធ អេកូឡូស៊ី​ចម្រុះ និង​អាច​លូតលាស់​ក្នុង ស្ថានភាព​នៃ​បម្រែបម្រួល អាកាសធាតុ​និង​អាច​លូតលាស់ នៅក្នុង​តំបន់​ដែល​មាន​ជាតិ ថ្ម​ច្រើន​ផងដែរ​។ ក្នុងនោះ​ដែរ​ក៏​មាន​៦០ ពូជ​ផ្សេងទៀត​ដែលជា ប្រភេទ​មើម​អាច​រស់នៅ ក្នុង​ស្ថានភាព​តំបន់​ដែល​មាន​ជាតិ​ទឹក​និង​អំបិល​តិច​​ហើយ វា​មិន​អាច​រង​ផលប៉ះពាល់​អ្វី​ឡើយ ពី​មេរោគ​ផ្សេងៗ​ផងដែរ ហើយ​ក្រុម​អ្នកវិទ្យាសាស្ត្រ បាន​ជឿជាក់​១០០​ភាគរយ​ថា​ក្រុម​ប្រភេទ​ដំឡូង ដែល​នឹង​យក​មក​ស្រាវជ្រាវ ទាំងអស់​នឹង​ត្រូវ​ជាប់​តេស្ត​សាកល្បង​ទាំងអស់​៕

ប្រធានាធិបតីស៊ីរីកំណត់កាលបរិច្ឆេទសម្រាប់ការបោះឆ្នោតសភា

លោក Bashar al Assad  ប្រធានាធិបតីស៊ីរីកាលពីថ្ងៃចន្ទបានកំណត់

យកថ្ងៃទី១៣ ខែមេសា សម្រាប់កាលបរិច្ឆេទបោះឆ្នោតសភាក្នុងប្រទេស

ស៊ីរី។ នេះបើតាមសេចក្ដីរាយការណ៍របស់ទីភ្នាក់ងារសារព័ត៌មានSANA។

ការបោះឆ្នោតត្រូវបានកំណត់ជាធម្មតាសម្រាប់ការបោះឆ្នោតដែលរៀបចំ ដោយរដ្ឋាភិបាលស៊ីរីនៅរៀងរាល់ ៤ឆ្នាំម្តង។

ការបោះឆ្នោតសភានាពេលចុងក្រោយត្រូវបានធ្វើឡើងក្នុងឆ្នាំ២០១២ ក្នុងរយៈពេលតែប៉ុន្មានខែប៉ុណ្ណោះ បន្ទាប់ពីការអនុម័តរដ្ឋធម្មនុញ្ញថ្មីក្នុង

ប្រទេស ដែលហែកហួដោយសង្គ្រាម។

សេចក្តីសម្រេចរបស់ប្រធានាធិបតី ក្នុងការរៀបចំការបោះឆ្នោតបាន ធ្វើឡើងក្នុងរយៈពេលប៉ុន្មានម៉ោងប៉ុណ្ណោះ បន្ទាប់ពីរុស្ស៊ី និងអាម៉េរិក ព្រមព្រៀងអនុវត្តនូវបទឈប់បាញ់មួយចាប់ពីថ្ងៃទី២៧ ខែកុម្ភៈ។

បើតាមសេចក្ដីប្រកាសរួមចេញដោយក្រសួងការបរទេសអាម៉េរិក

បានឱ្យដឹងថា ភាគីទាំងឡាយដែលពាក់ព័ន្ធនឹងជំលោះក្នុងប្រទេស ស៊ីរីត្រូវធ្វើការបញ្ជាក់ ពីឆន្ទៈរបស់ពួកគេក្នុងការទទួលយកលក្ខខណ្ឌ

នានាដែលមាន ចែងក្នុងបទឈប់បាញ់ទៅកាន់រុស្ស៊ី ឬអាម៉េរិកយ៉ាង

យូរត្រឹមថ្ងៃទី២៧ ខែកុម្ភៈ វេលាម៉ោង ១២៖០០ ម៉ោងក្នុងទីក្រុង 

Damascus។

ទោះជាយ៉ាងណា បណ្តាញសារព័ត៌មានបានធ្វើការបកស្រាយថា សេចក្ដីសម្រេចរៀបចំការបោះឆ្នោតសភា ជាភស្តុតាងបង្ហាញថា 

ទីក្រុង Damascus នៅតែមានការសម្រេចប្រកបដោយឯករាជ្យភាព

របស់ខ្លួន និងថា រដ្ឋាភិបាលស៊ីរីមិនបានពឹងផ្អែកចំពោះការចរចាដែល បានធ្វើឡើងនៅក្រៅប្រទេសស៊ីរីប៉ុន្មានទេ៕

មិន​ទូទាត់​ប្រាក់​រៀល​ នឹង​ត្រូវ​ពិន័យ​ជា​ប្រាក់​ស្មើ​នឹង​ ១០០ដង​នៃ​ទឹក​ប្រាក់​ដែល​មិន​ព្រម​ទូទាត់​

ធនាគារជាតិ​នៃ​កម្ពុជា តាមរយៈ​ហ្វេ​ស​ប៊ុ​ក​របស់ខ្លួន បាន​រំលឹកថា «​ជន​ណា​ពុំ​ព្រម​ទូទាត់​រូបិយវត្ថុ​ដែលមាន​តម្លៃ​នីត្យានុកូល​និង​មាន​តេជានុភាព​ធ្វើ​សេរីកា​លើ​ដែនដី​នៃ​ព្រះរាជាណាចក្រ​កម្ពុជា ជន​នោះ​នឹង​ត្រូវបាន​ផ្តន្ទា​ទោសពិន័យ​ជា​ប្រាក់​ស្មើនឹង ១០០​ដង​នៃ​ទឹកប្រាក់​ដែល​ពុំ​ព្រម​ទូទាត់​នោះ​» ។​

 

​ការលើកឡើង​នេះ គឺ​ផ្អែកលើ​មាត្រា​ទី​៤៣ និង ៦៤ នៃ​ច្បាប់​ស្តីពី​ការរៀបចំ​និង​ការប្រព្រឹត្តទៅ​នៃ​ធនាគារជាតិ នៃ​កម្ពុជា ដែល​ត្រូវ​បានប្រកាស​ឱ្យប្រើ​ដោយ​ព្រះរាជក្រម​លេខ នស​/​រកម​/០១៩៦/២៧ ចុះ​ថ្ងៃទី​២៦ ខែមករា ឆ្នាំ​១៩៩៦ “​ក្នុងពេលដែល​មិនបាន​ដក​ចេញពី​ចរាចរ​ទេនោះ ក្រដាសប្រាក់​[...]​ដែល​បោះផ្សាយ​ដោយ​ធនាគារកណ្តាល គឺជា​រូបិយវត្ថុ​មានតម្លៃ​នីត្យានុកូល​ក្នុង​ព្រះរាជាណាចក្រ​កម្ពុជា និង​មាន​តេជានុភាព​ធ្វើ​សេរីកា​គ្មាន​ព្រំដែន​[...]៕ 

សួនកម្សាន្តឌ្រីមលែនឌ៍ នឹងបិទដំណើរការអាជីវកម្ម ចាប់ពីខែក្រោយ និងប្រកាសលក់ឧបករណ៍ឡៃឡុង

យោងតាមសេចក្តីជូនដំណឹង នៅលើទំព័រហ្វេសប៊ុក Dream Land បានឲ្យដឹងថា សួនកម្សាន្តឌ្រីមលែនឌ៍ នឹងបិទដំណើរការអាជីវកម្មរបស់ខ្លួន ក្នុងពេលឆាប់ៗខាងមុខនេះហើយ។

ទំព័រដដែលបានសរសេរ ភ្ជាប់ជាមួយរូបថតមួយចំនួន កាលពីថ្ងៃទី២០ ខែកុម្ភៈ ២០១៦ កន្លងទៅថ្មីៗនេះថា៖ «សួនកំសាន្តឌ្រីមលែនឌ៍យើងខ្ញុំ នឹងបិទដំណើរការអាជីវកម្មរបស់ខ្លួន នៅថ្ងៃទី១ ខែមីនា ឆ្នាំ២០១៦ ដូច្នេះហើយសូមអញ្ជើញសាធារណៈ (ជន) ទាំងអស់ អញ្ជើញមកលេងកំសាន្តជាលើកចុងក្រោយ។ ហើយទន្ទឹមនឹងការបិទដំណើរការនេះដែរ សួនកំសាន្តឌ្រីមលែនឌ៍ នឹងប្រកាសលក់ឧបករណ៍ឡៃឡុងផងដែរ។ សូមអញ្ជើញរស់រាន់ ចំនួនមានកំណត់!!!»៕

ឧបត្ថម្ភដោយ

តោះ! ស្វែង​យល់​ទាំង​អស់​គ្នា ​ពី​​ពិធី​បុណ្យ​មាឃ​បូជា

នៅ​ថ្ងៃ​ច័ន្ទ ទី២២ ខែ​កុម្ភៈ​នេះ គឺជា ថ្ងៃ មាឃបូជា ដែល​ជា​ថ្ងៃ​រំឭក​ដល់ សាវក​សន្និបាត ឬ “ការប្រជុំ​សាវ័ក” នៃ​ព្រះ​សម្ពុទ្ធ ដែល​ហៅថា ចតុរង្គសន្និបាត។ ចតុរង្គសន្និបាត គឺជា “ការប្រជុំ​មាន​អង្គ​បួន” ដូចជា ៖

១- ថ្ងៃ​នោះ​ព្រះ​ចន្ទ្រ​ចរ​ចូល​ដល់​មាឃនក្សត្រ (គឺ​ថ្ងៃពេញបូណ៌មី​ខែមាឃ)
២- ព្រះ​ភិក្ខុសង្ឃ​ចំនួន ១២៥០ អង្គ ឥត​បាន​កំណត់ពេល​គ្នា​ជាមុន​នោះទេ ក៏​ស្រាប់តែ​មក​ប្រជុំ​ព្រម​គ្នា ក្នុង​សំណាក់​ព្រះ​បរមគ្រូ
៣- ព្រះ​ភិក្ខុសង្ឃ​ទាំងនោះ​សុទ្ធតែ ជា ឯ​ហិ​ភិក្ខុ​ដូចគ្នា​ទាំងអស់ (គឺ​ភិក្ខុ​ដែល​បាន​បំបួស​ដោយ​ព្រះសម្មាសម្ពុទ្ធ)
៤- ព្រះ​ភិក្ខុសង្ឃ​ទាំងនោះ​សុទ្ធតែ ជា​ព្រះ​អរហន្ត។ ការប្រជុំ​មាន​អង្គ ៤ ដូច្នេះ ក្នុង​ពុទ្ធសម័យ មានតែ​ម្ដងគត់ ក្នុង​វេលា​នោះ ព្រះសម្មាសម្ពុទ្ធ​ទ្រង់​បាន​ត្រាស់​សម្ដែង​ឱវាទ​បាតិមោក្ខ …។

ថ្ងៃ​នេះ​ហើយ ពុទ្ធបរិស័ទ នៅ​ទូទាំង ពិភពលោក នៃ​ចក្រ​វា​ឡ នៃ យើង នៅ តាម ទី​វត្ត​អារាម​នានា រួម​ទាំង ប្រជាជន សាមញ្ញ ប្រុស ស្រី ចាស់ ក្មេង អ្នកមាន អ្នកក្រ មន្ត្រី តូចធំ នឹង​នាំ គ្នា ជា គ្រួសារ ជា ក្រុម ធ្វើដំណើរ​ទៅកាន់​ទីវ​ត្ត​អារាម ដើម្បី ថ្វាយ ចង្ហាន់ និង គ្រឿង សក្ការបូជា​ទាំងឡាយ​ប្រគេន ព្រះសង្ឃ​មាន ទៀន ធូប ជាដើម ដើម្បី សុំ សេចក្ដី សុខ សេចក្ដីចម្រើន ដើម្បី ជា​ប្រយោជន៍ ដើម្បី សេចក្ដី សុខ ដល់​អ្នក​ដ៍​មានគុណ ទាំងឡាយ មាន​មាតាបិតា​ជាដើម​ផង​ដល់​ខ្ញុំព្រះករុណា ជាដើម​ផង អស់​កាល​ជា​យូរអង្វែង ទៅ​ហោង ។

ថ្ងៃ​ពេញ​បរ​មី​ខែមាឃ​ព្រះ​ចន្ទ​ពេញ​វង់​ប្រកបដោយ​នក្ខត្ត​ប្ញ​ក្ស ដែល​ព្រះ​តថាគត​អរហន្ត​សម្មាសម្ពុទ្ធ​ទ្រង់​សំដែង​ឱវាទ​បាតិមោក្ខ​នៅ​ពេល​ទ្រង់​ជួបជុំ​សាវ័ក​ប្រកបដោយ​អង្គ​បួន​នៅវេលា​រសៀល​ថ្ងៃនោះ ។កាលនោះ​អរហន្ត​ទាំងអស់​ចំនួន​មួយ​ពាន់​ពីរ​រយ​ហាសិប​អង្គ សុទ្ធតែ​ជា​ឯ​ហិ​ភិក្ខុ​បាន​និមន្ត​ទៅ​កា​បន់​សំណាក់​ព្រះ​ភគវន្តមុនី​ឯ​វត្ត​វេឡុ​ដោយ​ឥតមាន​ណាត់​ទុកជាមុន​ហើយ​ខណៈនោះ​ព្រះ​ចន្ទ​កំពុង​ពេញវង់​ផង។នៅពេល​សន្និបាត​នោះ​ព្រះ​ភក្ត្រ​វា​ទ្រង់​ធ្វើ​វិសុទ្ធ​បោស​ថ។

 

មួយវិញទៀត​សម្ដេច​ព្រះ​ពុទ្ធ​ជា​អង្គ​ម្ចាស់​នៃ​យើង ទ្រង់​ប្រថាប់​នៅ​បា​វាល​ចេ​តី​យ៍ ទ្រង់​មាន​ព្រះ​សតិ​សម្បជញ្ញៈ​ដាក់ចុះ​នូវ​ព្រះ​ជន្មាយុ​សង្ខារ​ថា​កន្លងទៅ៣ខែ​ទៀត​រាប់​តាំងពី​ខែ​នេះ​តទៅ​តថាគត​នឹង​បរិនិព្វាន​ក្នុង​ព្រះជន្ម​គម្រប់ ៨០ ព្រះវស្សា​គត់។

លុះ​ទ្រង់​ដាក់​ព្រះ​ជន្មាយុ​សង្ខារ​ហើយ​ក៍​កើត​ញ័រ​កក្រើក​ផែនដី​ហេតុនេះ​ឥឡូវនេះ​យើង​ទាំងឡាយ​បើ​ដល់​ថ្ងៃពេញបូណ៌មី​ជា​នក្ខត្ត​សម័យ​ប្រហែល​ដូចជា​មាឃ​នក្ខត្ត​សម័យ​នោះ ក៏​រំលឹក​នូវ​កាល​ទាំង​បី​នោះ របស់​ព្រះ​ដ៏​មាន​ព្រះ​ភាគ​ទើប​មក​ជុំគ្នា​ក្នុង​ទីនេះ ធ្វើ​សក្ការបូជា​ចំពោះ​ព្រះ​រតនត្រ័យ ដោយ​គ្រឿង​សក្ការ​ទាំងឡាយ មាន​ទៀន​ធូប និង កម្រងផ្កា​ជាដើម ។

បពិត្រ​ព្រះ​ដ៏​មាន​ព្រះ​ភាគ​ព្រមទាំង​ព្រះសង្ឃ​សាវ័ក​សូម្បី​បរិនិព្វាន​ទៅហើយ​ដោយ​យូរអង្វែង​សូម​ទទួលយក​នូវ​គ្រឿង​សក្ការ​ទាំងឡាយ​នេះ​ដើម្បី​ប្រយោជន៍​ដើម្បី​សេចក្តី​សុខ​ដល់​យើងខ្ញុំ​ទាំងឡាយ អស់​កាល​ជា​យូរអង្វែង​ទៅ​ហោង។

នៅមុន​ថ្ងៃ​ដែល​ព្រះអង្គ​ដាក់​ព្រះ​ជន្មាយុ​សង្ខា ពោលគឺ មុន​ថ្ងៃ ១៥ កើត ពេញ​បូរ​មី នៃ​ខែមាឃ ឆ្នាំ ម្សាញ់​បញ្ជ​ស័ក នៅពេលនោះ មហា មា​នៃ ព្រះ អង្គ​បាន បង្ខំ អោយ ព្រះ​ចូល​បរិនិព្វាន នៅ​គ្រានោះ តែ នៅ​ខណៈនោះ ព្រះ អង្គ មាន​ពុទ្ធដីកា ថា ៖

តថាគត បានសម្រេច​ដាក់ អាយុសង្ខា ហើយ ក៍​ប៉ុន្តែ ព្រះអង្គ បាន ត្រាស់ បញ្ជាក់ថា ម្នាល​អានន្ទ ធម៌ ណា វិន័យ​ណា ដែល​តថាគត បាន​សំដែង​ហើយ បាន​បញ្ញា​ត្តិ​ហើយ​ចំពោះ អ្នក​ទាំងឡាយ កាលបើ​អំ​ណេះ អត់​ពី​តថាគត ទៅ ធម៌​វិន័យ​ទាំងនោះ ជា​សាស្ដា ជា​គ្រូ​ប្រៀនប្រដៅ របស់ អ្នក​ទាំងឡាយ ហើយ ។

ពុទ្ធ​ឪ​វាទ ខាងលើនេះ គួរ​ពុទ្ធបរិស័ទ​ទាំងឡាយ ចងចាំ​ក្នុង​ចិត្ត​ហើយ​យល់ច្បាស់​ថា ធម៌​វិន័យ ដែល​ព្រះសមាសម្ពុទ្ធ ទ្រង់​បាន​ត្រាស់​សំដែង​ហើយ បាន​បញ្ញត្តិ​ហើយ សិង​មាននៅ​ក្នុង​ព្រះ​ត្រៃបិដក ទាំងអស់ ។ ព្រះ​ត្រៃបិដក​នេះ ហើយ ជា​សាសនា​របស់​ព្រះពុទ្ធ ជា​តំណាង​អង្គ​នៃ​ព្រះពុទ្ធ ជា​ព្រះ​បរម​សាស្ដា ។

ត្រង់​ន័យ​នេះ ព្រះសម្មាសម្ពុទ្ធ ទ្រង់​បាន​សំដែង​ទៅកាន់​អន​ន្ទ​ថា ម្នាល​អន​ន្ទ បុគ្គល​ណា ទោះជា ភិក្ខុ​ក្ដី ជា ភិក្ខុនី​ក្ដី ឧបាសក​ក្ដី ឧបាសិកា​ក្ដី បាន​ប្រតិបត្តិ​នូវ​ធម៌​ដ៍​សមគួរ​ហើយ និង ប្រ​ត្តិ​ប​ត្តិ​ដោយ​សេចក្តី​កោតក្រែង ជា​អ្នកប្រព្រឹត្ត​តាម​ធម៌​ជា​ប្រក្រតី បុគ្គល​នោះ​ឈ្មោះថា ធ្វើ​សក្ការៈ​គោរព​រាប់អាន បូជា​នូវ​តថាគត​ដោយ​គ្រឿង​បូជា​ដ៏​ឧ​ត្ត​ម ។

ត​ថាគ​ត មា​នស​ង្ស​ដីកា ទៀតថា ជីវិត​កើត​រស់​កើត​ស្លាប់ នោះ​គឺជា វាល​វដ្ត​សង្សារ​ប​ស់មនុស្ស ហេតុដូចនេះ ម្នាល អន​ន្ទ​គួរ​រំងាប់​អា​ម្មណ៍​ទៅ។

បើទោះជា ព្រះពុទ្ធ ទ្រង់​បាន រំងាប់​ចិត្ត អានន្ទ យ៉ាងនេះ ក្ដី ក៍​អានន្ទ មិន​អស់ចិត្ត នៅតែ បន្ត​ចិត្ត​ចង់​អោយ ព្រះ សម្មាសម្ពុទ្ធ​នៃ យើង បន្ត​គង់ លើ ផែនដី ដល់​ទៅ ៥ ០០០ វស្សា ។

បើ​ទោះជា​យ៉ាងណា តថាគត ព្រះអង្គ ទ្រង់ បាន ត្រាស់​ជា​ព្រះ​សមាសម្ពុទ្ធ នៃ​យើង ដោយ ព្រះអង្គ​បាន ឆ្លងកាត់​ព្រឹត្តិការណ៍​ដ៏​អ​ស្ច​រ្យ​ជាច្រើន​សឹងតែ​រាប់មិនអស់​ដូចជា​នៅក្នុង​ព្រះជន្ម២៩ព្រះវស្សា ទ្រង់​បានចេញ​សាង​ផ្នូ​ស ហើយ​បួស​នៅត្រង់​ឆ្នេរ ស្ទឹង​អ​នោ​មានះ នៅ​គ​យា​សីស​ប្រទេស ក្នុង​រដ្ឋ​ពិ​ហារ​សព្វថ្ងៃ។

លុះដល់​ព្រះជន្ម​បាន៣៩ព្រះវស្សា ទ្រង់​បាន​ត្រាស់​ជា​ព្រះសម្មាសម្ពុទ្ធ នៅ​ថ្ងៃ​ពុធ ទី១៥កើត ខែ​ពិសាខ ឆ្នាំ រកា ក្រោម ដើម​ពោធិ៍ព្រឹក្ស នៅ​ពុទ្ធ​គ​យា ក្នុង​រដ្ឋ​ពិ​ហារ​សព្វថ្ងៃ ។

ទ្រង់​ប្រទាន​ធម៌​ទេសនា លើកដំបូង​បង្អស់​ឈ្មោះ ធម្មចក្កប្បវត្តនសូត្រ​ប្រោស​បញ្ច​វ​គ្គី​យ៍ នៅ​ព្រៃ​ឥសិបតនមិគទាយវ័ន សព្វថ្ងៃ​ហៅថា សារ​ណាថ ក្បែរ​ក្រុង​ពារាណសី គឹ​នៅក្នុង​ថ្ងៃ ១៥កើត ខែ​អាសាធ ឆ្នាំ រកា ។

លុះដល់​ព្រះជន្ម៨០ ព្រះវស្សា​ទ្រង់​បាន​ចូល​បរិនិព្វាន ត្រង់​ចន្លោះ​សាលព្រឹក្ស​ទាំង​គូ​ក្នុងព្រៃ​សាលវ័ន ក្បែរ​ក្រុង​កុសិនារា តាំងនៅ​ក្នុង​រដ្ឋ​ឧ​ត្ត​រ ប្រទេស​សព្វថ្ងៃ គឺ​នៅក្នុង​ថ្ងៃ អង្គារ ទី១៥កើត​ខែ ពិសាខ ឆ្នាំ ម្សាញ់​បញ្ច​ស័ក ហើយ​នៅមុន បី ខែ ដែល​ព្រះអង្គ​ចូល​ព្រះ​បរិនិព្វាន ព្រះអង្គ​បាន​ឆ្លងកាត់​ព្រឹត្តិការណ៍ ដ៍​អស្ចារ្យ នោះ គឺ នៅ​ថ្ងៃ១៥កើត ពេញ​បូរ​មី​នៃ​ខែ មាឃបូជា៕

ប្រភព : ឯកសារ ស្រង់​ពី ប្រវត្តិ​មាឃបូជា និង សំឡេង ធម៌ បន្ទូល ព្រះពុទ្ធ
បន្ទូល អានន្ទ សំឡេង រំលឹក បុណ្យ​មាឃ​បូជា ចម្រៀង មាឃបូជា

ឧបត្ថម្ភដោយ

Galaxy S7 & S7 Edge អាច​​បន្ថែម​កាត​ MicroSD ​​ដល់​ 200 GB

Galaxy S7 & S7 Edge ​ទូរសព្ទ​ Galaxy ជំនាន់​ថ្មី​២​ម៉ូដែល​​របស់​​ក្រុមហ៊ុន​ Samsung ​​អាច​ឲ្យ​អ្នក​ប្រើ​ប្រាស់​បន្ថែម​កាត​ MicroSD ​ដើម្បី​ពង្រីក​ទំហំ​ផ្ទុក​កាន់​តែ​ធំ និង​មាន​​​បំពាក់​បច្ចេកវិទ្យា​មិន​ជ្រាប​ទឹក​ថែម​ទៀត។

​ក្នុង​​ព្រឹត្តិការណ៍​ពិព័រណ៍​ទូរសព្ទ​ពិភពលោក​ MWC 2016 ​យប់​មិញ​ ក្រុមហ៊ុន ​Samsung​ បាន​​បង្ហាញ​​ Galaxy S7 & S7 Edge ​​ដោយ​​គេ​សង្កេត​ឃើញ​ថា ការ​រចនា​ម៉ូដ​គឺ​មាន​ភាព​ស្រដៀង​នឹង​ Galaxy S6 ​ដែរ ប៉ុន្តែ​ខុស​ប្លែក​មាន​បន្ថែម​មុខ​ងារ​មួយ​ចំនួន។

លក្ខណៈ​សម្បត្តិ​ទូរសព្ទ​ទាំង​២៖

– អាច​​បន្ថែម​​កាត​ MicroSD ​​រហូត​ដល់​ 200 Gigabytes​ ​​ដែល​កន្លែង​​ដាក់​កាត​នេះ​គឺ​ស្ថិត​នៅ​ជាមួយ​ជើង​សម្រាប់​ដាក់​ SIM Cards។

– បំពាក់​បច្ចេកវិទ្យា IP68 ​ការពារ​មិន​ឲ្យ​ជ្រាប​ទឹក ​ជម្រៅ​១,៥​ម៉ែត្រ រហូត​ដល់​រយៈពេល​៣០​នាទី។

​​លក្ខណៈ​សម្បត្តិ​ Galaxy S7៖

– អេក្រង់៖ ៥,១​អ៊ីញ
​- ប្រព័ន្ធ​ប្រតិបត្តិការ៖ Android OS, v6.0 (Marshmallow)
– អង្គ​ចងចាំ៖ 32/64 GB, 4 GB RAM (Internal) និង​អាច​​បន្ថែម​កាត microSD ​ដល់ 200 GB
– កាមេរ៉ា៖ ក្រោយ​ 12 MP, មុខ 5 MP
​- ថ្ម៖ Li-Ion 3000 mAh
– ពណ៌៖ ខ្មៅ​ ស មាស ប្រាក់។

​លក្ខណៈ​សម្បត្តិ​ Galaxy S7 Edge៖

– អេក្រង់៖ ៥,៥​អ៊ីញ
​- ប្រព័ន្ធ​ប្រតិបត្តិការ៖ Android OS, v6.0 (Marshmallow)
– អង្គ​ចងចាំ៖ 32/64 GB, 4 GB RAM (Internal) និង​អាច​​បន្ថែម​កាត microSD ​ដល់ 200 GB
– កាមេរ៉ា៖ ក្រោយ​ 12 MP, មុខ 5 MP
​- ថ្ម៖ Li-Ion 3600 mAh
– ពណ៌៖ ខ្មៅ​ ស មាស ប្រាក់។

​ក្រុមហ៊ុន​ បាន​​បញ្ជាក់​ថា ​Galaxy S7 & S7 Edge ​នឹង​ចេញ​លក់​ជា​ផ្លូវ​ការ​នៅ​អឺរ៉ុប និង​អាមេរិក ​នា​ថ្ងៃ​ទី​១១ ខែ​មិនា​ខាង​មុខ៕

ឧបត្ថម្ភដោយ

កាសែត​អន្តរជាតិ​ចាប់អារម្មណ៍​បង្គន់​៤​ម៉ឺន​ដុល្លារ សង់​សម្រាប់​ម្ចាស់​ក្ស​ត្រី​យ៍ សិរិ​ន​ថន​

បង្គន់​តម្លៃ​៤​ម៉ឺន​ដុល្លារ ត្រូវបាន​សាងសង់​ជាពិសេស​សម្រាប់​ព្រះអង្គម្ចាស់​ក្ស​ត្រី​យ៍ មហា​ចក្រី សិរិ​ន​ថន នៅពេល​ព្រះអង្គ​ធ្វើដំណើរ​ទៅ​ខេត្ត​រតនគីរី​។ បង្គន់​ដែល​បំពាក់​ដោយ​សម្ភារ​ទំនើបៗ​នោះ នឹង​ប្រើប្រាស់​ដោយ​ព្រះអង្គម្ចាស់​ក្ស​ត្រី​យ៍​មួយអង្គ​តែប៉ុណ្ណោះ ហើយ​វា​នឹងត្រូវ​រុះរើ​ចោល​នៅពេល​ក្ស​ត្រី​យ៍​អង្គ​នោះ យាង​ចាកចេញ​ទៅវិញ​។ 

​កាសែត​អន្តរជាតិ​ធំៗ រួមមាន​ទាំង The Guardian, Independent បាន​ចាប់អារម្មណ៍​យ៉ាងខ្លាំង​លើ​បង្គន់​តម្លៃ​ជាង​៤​ម៉ឺន​ដុល្លារ​ដែល​ត្រូវបាន​សាងសង់​សម្រាប់​ទទួល​ដំណើរ​ព្រះអង្គម្ចាស់​ក្ស​ត្រី​យ៍ មហា​ចក្រី សិរិ​ន​ថន នៅ​ខេត្ត​រតនគីរី ភាគ​ឦសាន​នៃ​កម្ពុជា​។ បង្គន់​ប្រណិត​នេះ​សាងសង់ឡើង​នៅក្បែរ​បឹង​យក្ស​ឡោម ដែលជា​តំបន់​ទេសចរណ៍​ល្បីល្បាញ​មួយ​។

​បើតាម the guardian បង្គន់​នេះ​មាន​ទំហំ​៨​ម៉ែត​ការ៉េ ប្រក់​ដោយ​ក្បឿង​ពណ៌​ស និង​បំពាក់​ម៉ាស៊ីនត្រជាក់​។  ក្រុមហ៊ុន​សំណង់​ថៃ SCG បានទទួល​ខុសត្រូវ​សា​ង​សង់​ដោយ​ចំណាយពេល​សាងសង់​រយៈពេល​អស់​១៩​ថ្ងៃ​។ បង្គន់​នោះ​គឺ​ធ្វើ​ថ្វាយ​សម្រាប់តែ​ព្រះអង្គម្ចាស់​ក្ស​ត្រី​យ៍ ដែល​នឹង​គង់​សម្រាក​នៅ​ទីនោះ​។​

​សូមបញ្ជាក់ថា ព្រះអង្គម្ចាស់​ក្ស​ត្រី​យ៍​ថៃ មហា​ចក្រី សិរិ​ន​ថន យាង​បំពេញ​ព្រះរាជទស្សនកិច្ច​៣​ថ្ងៃ​នៅក្នុង​ប្រទេស​កម្ពុជា​ចាប់ពី​ថ្ងៃទី​២២​ដល់​ថ្ងៃទី​២៤​កុម្ភៈ​នេះ​។ ព្រះអង្គម្ចាស់​ក្ស​ត្រី​យ៍​នឹង​យាង​សម្ពោធ​សមិទ្ធផល​មួយចំនួន​ក្នុង​វិស័យ​អប់រំ​។ នេះ​បើ​យោងតាម​សេចក្តីប្រកាស​ព័ត៌មាន​របស់​ក្រសួងការបរទេស​កម្ពុ​ជា​។​
 
​ព្រះអង្គម្ចាស់​ក្ស​ត្រី​យ៍​ក៏​នឹង​យាង​ប្រគល់​អគារ​ប្រើប្រាស់​ថាមពល​ពន្លឺព្រះអាទិត្យ​នៅ​វិទ្យាល័យ​កំពង់​ឈើទាល​ក្នុង​ខេត្តកំពង់ធំ ជូន​លោក ហង់​ជួន ណា​រ៉ុ​ន រដ្ឋមន្ត្រីក្រសួង​អប់រំ​ផងដែរ​។ ក្រៅពីនេះ ព្រះអង្គម្ចាស់​ក្ស​ត្រី​យ៍ ក៏​នឹង​យាង​ចូលរួម​ក្នុង​ព្រះ​រាជពិធី​សម្ពោធ​មណ្ឌល​សុខភាព​នៅ​ខេត្តរតនៈគិរី និង​ស្លាក​ឈ្មោះ​ថ្មី​នៃ​វិទ្យាស្ថាន​បច្ចេកវិទ្យា​កំពង់​ឈើទាល​នៅក្នុង​ខេត្តកំពង់ធំ​ដូចគ្នា​។

​បើតាម​ការ​សេចក្តីប្រកាស​ព័ត៌មាន​ដដែល បន្ថែមថា​ព្រះអង្គម្ចាស់​ក្ស​ត្រី​យ៍​ក៏​នឹង​យាង​ទត​សាលាបឋមសិក្សា​មួយចំនួន​នៅតាម​ខេត្ត​នានា​ដែរ​៕

មូលហេតុ ១០យ៉ាង ដែលធ្វើឲ្យនារី ពិបាករកបាន គូស្នេហ៍

យល់ដឹង៖ ជាក់ស្តែង ក្តីស្រលាញ់ ឬក្តីស្នេហ៍ មិនមែនអាចរកបាន ដោយងាយៗឡើយ ហើយផលពិបាកគឺមានច្រើន សម្រាប់នារី ច្រើនជាងបុរសផងដែរ។ ម្យ៉ាងវិញទៀត ចំពោះនារីៗដែលមានការយល់ដឹង រឹតតែខ្ពស់គឺរឹតតែពិបាករកបាននូវមនុស្ស ដែលខ្លួនឯងស្រលាញ់តែម្តង ដោយសារតែហេតុផលចំនួន ១០ ខាងក្រោមនេះ៖

១.ពួកគេមិនខ្លាច ក្នុងការប្រឈមមុខ នឹងរឿងរ៉ាវជាច្រើន ដោយខ្លួនឯង

នារីដែលវ័យឆ្លាត ជាពិសេសគឺអ្នកដែល មានការយល់ដឹងខ្ពស់ គឺអាចដឹងបានថា តើពួកគេចង់បានអ្វី ហើយអាចដោះស្រាយ នូវបញ្ហាបែបណាខ្លះ។ ពួកគេមិនខ្លាច ភាពឯកា ឬក៏ផលប៉ះពាល់ ពីសង្គមនោះឡើយ និយាយរួមគឺពួកគេ មានសមត្ថភាព អាចធ្វើអ្វីដោយខ្លួនឯង និងអាចរកភាពរីករាយ មកឲ្យខ្លួនឯងបាន។

២.ពួកគេយល់ច្បាស់ អំពីចំណូលចិត្តរបស់ខ្លួន

នារីគ្រប់រូប សុទ្ធតែដឹងនៅក្នុងចិត្ត អំពីប្រភេទ ឬក៏លក្ខណៈសម្បត្តិនៃមនុស្សដែលខ្លួនចង់រស់នៅជាមួយ តែសម្រាប់នារីមួយចំនួន ឬក៏នារីដែលមានការយល់ដឹងខ្ពស់វិញ គឺត្រូវការទាមទារ ស្វែងរកមនុស្សដែលមានលក្ខណៈសម្បត្តិ រឹតតែច្រើន រឹតតែច្បាស់លាស់ ហើយក៏នឹងចំណាយពេលវេលាយូរ ដើម្បីស្វែងយល់ មុននឹងពួកគេ សម្រេចចិត្តជ្រើសរើស មនុស្សម្នាក់នោះជាគូស្នេហ៍ ដូច្នេះហើយ នេះក៏ជាកត្តាមួយដែលនាំឲ្យពួកគេ ពិបាកក្នុងការរកបាននូវគូស្នេហ៍ផងដែរ។

៣.ពួកគេអាចរស់នៅ ដោយឯករាជ្យបាន

នៅក្នុងពិភពលោក នាសម័យបច្ចុប្បន្ននេះ នារីគឺមិនចាំបាច់ត្រូវការ អ្នកផ្សេងមកជួយពួកគេឡើយ ព្រោះតែពួកគេអាច រស់នៅដោយខ្លួនឯងបាន នេះមានន័យថាពួកគេ អាចរស់នៅដោយឯករាជ្យ ពោលគឺអាចមើលថែខ្លួនឯង រកប្រាក់ដើម្បីចិញ្ចឹមខ្លួនឯង និងស្វែងរកភាពរីករាយ បានដោយខ្លួនឯង។

៤.ពួកគេមានកាតព្វកិច្ច ផ្សេងទៀតដែលមានអាទិភាពជាង ការស្វែងរកក្តីស្នេហ៍

ការងារ មិត្តភាព គ្រួសារ ឬក៏កាតព្វកិច្ច ផ្សេងមួយចំនួនទៀត អាចជារឿងដ៏សំខាន់ ដែលនារីមួយចំនួន ផ្តោតទៅលើជាជាង ការស្វែងរកក្តីស្នេហ៍ ឬក៏មនុស្សដែលខ្លួនស្រលាញ់ ហើយនេះក៏ជាកត្តាមួយ នាំឲ្យនារីមិនងាយនឹង រកបាននូវក្តីស្នេហ៍ផងដែរ។

៥.ពេលវេលាលំបាកបច្ចុប្បន្ន អាចជះឥទ្ធិពលទៅលើពួកគេ

សម្រាប់នារីដែលមាន ភាពលំបាកនាពេលបច្ចុប្បន្ន គឺពិតជាមិនចង់ ចំណាយពេលរបស់ពួកគេ ដោយខ្ជីខ្ជានោះទេ ពួកគេយល់ថា នៅពេលដែលពួកគេ មានអនាគតល្អហើយនោះ គូស្នេហ៍នឹងមានមកតាមពីក្រោយ ហើយពេលនោះ សុភមង្គលរបស់ពួកគេ នឹងចាប់ផ្តើមមានឡើង។

៦.ពួកគេយល់ថា ភាពទាក់ទាញ គឺមិនមែនជាចំណុចសំខាន់ នៃក្តីស្នេហ៍

ភាពទាក់ទាញនៃរាងកាយ គឺជាចំណុចសំខាន់មួយ ក្នុងការស្វែងរកក្តីស្នេហ៍ ប៉ុន្តែនារីមួយចំនួន ជាពិសេសអ្នកដែល មានការយល់ដឹងរឹតតែខ្ពស់ បែរជាយល់ថា ក្តីស្នេហ៍ដែលកើតចេញ ពីចំណុចមួយនេះ គឺមានត្រឹមរយៈពេលខ្លីប៉ុណ្ណោះ។ ពួកគេត្រូវការ ក្តីស្នេហ៍ដែលផ្តើមចេញ ពីភាពស្និទ្ធស្នាល រវាងមនុស្ស២នាក់ ដែលនេះហើយគឺជាចំណុច ដែលពួកគេយល់ថា អាចជាក្តីស្នេហ៍ ដែលយូរអង្វែង។

៧.ពួកគេអាចជា មនុស្សដែលគួរឲ្យខ្លាច

នារីមួយចំនួន ជាពិសេសអ្នកដែល មានការយល់ដឹងរឹតតែខ្ពស់ គឺមិនខ្លាចក្នុងការ ក្រោកឈរតតាំង និងនិយាយអ្វីដែលជាគំនិតរបស់នាងឡើយ ដូច្នេះហើយ នេះគឺជាចំណុចមួយ ដែលធ្វើឲ្យមនុស្សជាច្រើននៅជុំវិញនាង ដូចជាមិត្តភក្តិ ឬក៏មនុស្សដែលតាមស្រលាញ់នាងជាដើម ហាក់មានភាពភ័យខ្លាច ចំពោះរូបនាងទៅវិញ។

៨.ពួកគេយល់ថា ការស្រលាញ់ និងការយល់ចិត្ត ក្នុងពេលយូរអង្វែង គឺជារឿងសំខាន់

វាជារឿងជាក់ស្តែងមួយដែរ ចំពោះនារីដែលមានការយល់ដឹងកាន់តែខ្ពស់ គឺមានមហិច្ឆិតាធំ សម្រាប់អនាគត ហើយអ្វីដែលសំខាន់នោះ គឺពួកគេចង់បាននូវដៃគូម្នាក់ ដែលអាចរស់នៅជាមួយគ្នា ក្នុងរយៈពេលដ៏វែង នាថ្ងៃអនាគត។

៩.ក្តីស្នេហ៍លែងជា រឿងសំខាន់ដែលពួកគេត្រូវការ

នារីមួយចំនួន យល់ថាក្តីស្នេហ៍ មិនមែនជារឿងដែល ពួកគេមិនអាចអត់បាន នៅក្នុងជីវិតរបស់ពួកគេឡើយ ក៏ព្រោះតែពួកគេអាចរស់នៅ ដោយឯករាជ្យបាន។ តែយ៉ាងណាមិញ ពួកគេបែរជាយល់ថា អត្ថន័យពិតប្រាកដ របស់ក្តីស្នេហ៍នោះគឺ ការស្វែងរកដៃគូម្នាក់ ដែលអាចស្រលាញ់ពួកគេ និងចង់ចែករំលែកជីវិត ចំណូលចិត្ត និងអនាគតជាមួយគ្នា។

១០.ពួកគេមិនងាយ នឹងយកបេះដូង មកវិនិច្ឆ័យលើក្តីស្នេហ៍ឡើយ

សម្រាប់នារីមួយចំនួន គឺពួកគេបានប្រើប្រាស់ ការយល់ដឹងរបស់ពួកគេ មកថ្លឹងថ្លែងទៅលើ គុណសម្បត្តិ និងគុណវិបត្តិរបស់មនុស្សម្នាក់ មុននឹងសម្រេចចិត្ត ជ្រើសយកគេជាគូស្នេហ៍ តែវិធីនេះគឺបានរុញច្រាន ឲ្យពួកគេពិបាក ក្នុងការរកឃើញនូវ មនុស្សដ៏ល្អ និងសាកសមសម្រាប់ពួកគេ។

ទាំងនេះគឺជា ហេតុផលជារួមទាំង១០ ដែលបានធ្វើឲ្យនារីភាគច្រើន ជាពិសេសគឺអ្នកដែលមាន ការយល់ដឹងខ្ពស់ ពិបាកក្នុងការរកមនុស្ស ដែលត្រូវចិត្តមកធ្វើជាគូស្នេហ៍ និងបានធ្វើឲ្យពួកគេ រស់នៅតែម្នាក់ឯង ក្នុងរយៈពេលវែង៕

ចង់បានកូនស្អាតគ្មានអ្វីពិបាកនោះទេ បន្ទាប់ពីអានអត្ថបទនេះ

តើ​អ្នក​ចង់​ឱ្យ​កូន​អ្នក កើត​មក​ស្អាត និង​គួរឱ្យ​ស្រឡាញ់​ទេ​? បើ​ចង់ អ្នក​អាច​បរិភោគ​អាហារ​ទាំងឡាយ ខាងក្រោម​នេះ​បាន​។​
1.​    ​បើ​ចង់ឱ្យ​កូន​មាន​ស្បែក​រលោង និង​មាន​ភ្នែក​ល្អ អ្នក​អាច​បរិភោគ​អាហារ ដែល​មាន​វីតាមីន A ឱ្យបាន​ច្រើន​ដូចជា ថ្លើម​សត្វ ពង​លឿង ដែល​មាន​ក្នុង​ពង​មាន់ ទឹកដោះគោ ការ៉ុត ផ្លែ​ប៉ោម ប៉េង​ប៉ោះ ឬ​បន្លែ​ពណ៌​បៃតង​ជាដើម​។​
2.​    ​ប្រសិនបើ​អ្នក​ចង់​ឱ្យ​សក់​កូន​ស្អាត ភ្លឺរលោង និង​មិន​ងាយ​ជ្រុះ អ្នក​អាច​បរិភោគ​អាហារ​ដែល​មាន​វីតាមីន B ដូចជា ត្រី ថ្លើម​សត្វ ទឹកដោះគោ នំ​បុ័ង សណ្តែក ពង​មាន់ ល្ងខ្មៅ ពោត ឬ​បន្លែ​ពណ៌​បៃតង​។​
3.​    ​បើ​ចង់ឱ្យ​កូន​អ្នក​មាន​កម្ពស់​ខ្ពស់ អ្នក​អាច​ពិសារ​អាហារ ដែល​មាន​វីតាមីន​D ដូចជា​សំបក​បង្គា ពង​លឿង​ដែល​មាន​ក្នុង​ពង​មាន់ ថ្លើម​សត្វ ព្រមទាំង​បន្លែ​ជាដើម​៕

ឧបត្ថម្ភដោយ